Untitled Document

Heelwat lesers ondervind probleme met die Openbaringe blad. ŉ Moontlike
oplossing mag wees om Mozilla Firefox of Google Chrome soekenjins te gebruik.

              judithdebeer@webmail.co.za



Judith de Beer is gebore in Baberton op 20-05-1958.
Sy het grootgeword as die dogter van ‘n spoorwegwerker
en beleef ‘n stormagtige en rebelse jeug. Sy druip haar
standerd 6 jaar op skool en sluit haar skoolloopbaan later
met ‘n praktiese sertifikaat af. Met geen akademiese agtergrond
nie is die enigste beroep wat sy ooit beoefen dié van huisvrou.
Haar belangstelling is om vanuit rommel iets bruikbaars te skep.
Sy ontvang vanaf 30 Mei 2007 die Innerlike Woord.

Judith de Beer is ’n eindtyd-boodskapper wat onder geen leiding van enige
menslike denkrigting staan of aan enige organisasie, instansie, sekte of
kerk behoort nie. Sy ontvang geen donasies of vergoeding van enige aard
nie en daarom mag geen openbaring deur haar ontvang- hetsy dit op die
internet, in boek- of traktaatvorm is, onder enige omstandighede verkoop
word nie. Heeltemal gratis word dit vanuit die Gees ontvang en heeltemal
gratis word dit as waarskuwing en bemoediging in hierdie tyd deurgegee
waar elke leser dit met behulp van die onderskeidingsgees kan ondersoek.

Openbaring 101
Die son sal hulle brand.
3 September 2007 8:00

www.nuutsteopenbaringevanjudithdebeer.co.za

Judith de Beer
Die son sal hulle brand en hulle sal hulle nie van hulle verkeerde
weë bekeer nie. In hulle hart en met hulle mond sal hulle My, die
Skepper en Instandhouer, se Naam laster. Ja, die son se hitte
gaan van so ŉ aard wees, dat die mens die intensiteit daarvan
glad nie sal kan verdra nie.

Hittegolwe van ongekende aard sal oor die aarde en veral Afrika
gaan. ŉ Verskroeide aarde sal stof, in plaas van kos lewer.
Stofstorms sal die lugruim soos bloed inkleur. Waar daar wel reën
sal val, sal dit meestal verskeurende storms wees. Die ongekende
hitte sal die vog in stoom verander, wat die temperature nog
verder sal laat styg.

Terwyl die siekes en swakkes, die oumense en babas, hiervan sal
vergaan, sal die mensdom hom met hernieude ywer in die handel
werp en ontsaglike winste sal uit die beskikbare voedsel gemaak
word.

Openbaring 102
Van bo- en van ondergeborenes.
4 September 2007 5:00
www.nuutsteopenbaringevanjudithdebeer.co.za

Judith de Beer
Die mensdom kan onder twee groepe verdeel word, waarvan
die een groep na siel en liggaam heeltemal vanuit hierdie aarde
afkomstig is. Wat met reg die kinders van die wêreld genoem
kan word. Hulle hele neiging en liefde is ook heeltemal gerig
na dit wat die wêreld bied.

Die tweede groep is egter van bo-gebore, wat soveel sê dat hulle
hele wese meer geestelik ingestel is, om dit wat van bo is, naamlik
My Gees en dit wat dit bied, te kan bevat. Hierdie meer edel groep
is by verre die minderheid en is deur My op hierdie aarde in hierdie
tyd geplaas, om as dienende geeste, die wêreldmens die lig vanaf
My te bring. Sodat ook hulle, as kinders van My, toegang tot My
ewige salige hemelryk kan hê.

Maar net soos in die dae van Noag, het die getalle van die
wêreldmens baie vermenigvuldig. Onder verrotte leierskap het
die kwaad geweldig toegeneem. Die boosheid het sy eie perke
so oorskry dat die mensdom ŉ bedreiging vir homself, sowel
as alle ander spesies geword het.

So het ook die toets wat hulle op aarde ter verbetering van
hulle siele moes kom aflê, sy doel verloor. Om die stof en
sterflike liggaam op elke moontlike, gruwelike en walglike
manier te kan bevredig en behaag, versteur hulle sonder
enige gewetensbeswaar elke Goddelike orde op hierdie
aarde.

Net soos wat Ek die mens eens, oor ŉ aansienlike tydperk, deur
verskillende boodskappers oor ŉ komende oordeel gewaarsku
het en Noag in opdrag van My, vir almal om dit te kon aanskou,
met die bou van die ark begin het. Net so waarsku Ek nou deur
middel van die kinders wat van bo-gebore is, die kinders van die
wêreld oor ŉ vernietigende oordeel, wat reeds orals sigbaar is.

Ja, Ek nooi hulle vir oulaas vriendelik uit om vinnig onderdak
in My nuwe ark te kom vind, wat daaruit bestaan om met volle
vertroue by My klein Goddelike familie aan te sluit en sodoende
in baie groot gevare onder My beskermende Vaderhand te kan
kom staan.

Openbaring 103
Wéét Ek is altyd digby julle.
Dinsdag 4 September 2007 23:00
www.nuutsteopenbaringevanjudithdebeer.co.za

Judith de Beer
Huidiglik voel dit vir die meeste van julle, wat na die volmaakte
eenheid tussen julle siel en My Gees in julle streef, asof julle
voortdurend op ŉ emosionele wipplank ry; ja die een oomblik
is julle bo en ervaar julle ŉ bykans verruklike ekstase en is dit
asof julle My Teenwoordigheid amper tasbaar kan ervaar. Net
om die volgende oomblik julleself in die diepste put van ellende
te bevind, waar dit voel asof alle poginge van julle kant af
heeltemal fataal en tevergeefs is.

Om hierdie rede gaan Ek julle tegemoet kom en die tyd en
dae verkort sodat julle, My uitverkorenes, nie op die langeduur
onder die druk sal ingee nie. Dit is egter noodsaaklik vir julle
om te weet dat die "hel" met al sy negatiewe kragte huidiglik
los is en daarop gefokus is om as struikelblokke vir julle, op
julle pad van oorwinning te dien. Maar minwetend vorm hulle
vir julle, juis die teenkrag wat baie noodsaaklik vir julle
geestelike groei is. Met elke oorwinning hiervan, word julle
gesuiwer en vind daar veredeling by julle plaas.

Met die intensiteit waarmee julle menigmaal in die gees
hierdie hindernisse oorwin, ja, met dieselfde krag, trek julle
My onbewustelik en met geweld nader aan julle en dit is met
hierdie "passie", waarmee Ek so graag in die kring van julle
liefde ingetrek wil word.

Wees daarom getroos, wanneer dit weer vir julle voel asof julle in
die dieptes van die ellende wil vergaan. Wéét dat Ek altyd digby
julle is.

Openbaring 104
Verpand nie jou siel aan die wêreldorde!
5 September 2007 16:00
www.nuutsteopenbaringevanjudithdebeer.co.za

Judith de Beer
Wie daaraan dink om My in hierdie tye uit te oorlê, gaan baie
sleg daarvan afkom en nou praat Ek direk van satan, wat onder
die dekmantel van ŉ kwansuis besorgde eenwêreldorde, met vele
sluwe planne, op allerhande soetsappige maniere probeer om die
totale mensdom aan die neus rond te lei.

Na dekades van navorsing en ŉ baie fyn studie oor die menslike
psige, het die wêreldmoondhede daarin geslaag om die oorgroot
bevolking van die wêreld willekeurig te manipuleer en te verkneg
om sodoende satan se bose doelwitte te kan bereik.

Die mens, met ŉ vrye wil toegerus, is ook van ŉ gewete voorsien,
om homself sodoende met die nodige balans te kan handhaaf.
Juis as gevolg van hierdie gewete is daar veral op die geestelike
aspek en daardeur die godsdiens gefokus. Deur middel van valse
leerstellings is daar ŉ wanbegrip by die mens gekweek oor dit wat
reg en verkeerd is.

Met dit agter die rug, was dit nou maklik om die mense soos
outomate te beheer. So het satan vir die mens ŉ fopwêreld
geskep. Om as goeie burgers van hierdie drogsisteem bekend
te kan staan, verpand baie mense hulle Godgegewe vrye wil en
daarmee saam hulle siele aan hierdie monstergod van die wêreld.

Daar is niks in die hele oneindigheid wat Ek soveel respekteer as
juis die mens se vrye wil nie. Noudat die mens hiervan ontdaan is,
het dit tyd geword om satan met sy eie middele te konfronteer. Dit
wat hy gesaai het, dit sal hy nou maai. Binnekort sal hy, met al sy
handlangers, self in gevangenis ingaan, waar hulle heeltemal van
die vrye wil ontneem sal word.

Maar eers sal Ek die aarde in Toorn en Oordeel besoek. Elke mens
wat sy vrye wil, ja, sy siel aan hierdie wêreldorde verpand het, sal
in die dieptes van die aarde ondergaan.

Openbaring 105
Ek was, is en sal altyd wees.
6 September 2007 22:30
www.nuutsteopenbaringevanjudithdebeer.co.za

Judith de Beer
Net soos meeste jong tieners hulle ouers as oudmodies en nie op
hoogte van die jongste verwikkelinge beskou nie, net so ervaar
baie mense My nog in hierdie dae as ŉ kinderbybelfiguur, wat
slegs kennis van sake rakende die antieke tye dra. Met die dat Ek
julle in hierdie tye aanspreek en van hedendaagse terme gebruik
maak, laat heelwat wenkbroue verbaas lig. Onlangs het iemand
op ŉ heel spitsvondige wyse die volgende laat hoor: "Die Meester
praat deesdae heel reguit en op die man af en dit nogal in moderne
taal".

My antwoord hierop is die volgende: Ek was, is en sal altyd wees.
Miljarde eons voordat hierdie aarde sy ontstaan as ŉ enkele atoom
begin het, was daar alreeds orals wêrelde met beskawings, wat
julle huidiglike beskawing met ligjare vooruit was. Net so sal daar,
lank nadat hierdie aarde in die niet verdwyn het, weer nuwe
skeppings hulle verskyning maak, om op hulle beurt weer van niks
tot volle wasdom te ontwikkel.

Ja, daar sal Ek steeds weer wees om soos vanaf alle tye, My taak
as die ewige Liefdevolle Skepper, Versorger en Instandhouer,
binne die raamwerk van My ewige ordes, te onderhou. Ja, daar is
niks nuuts in die hele oneindigheid wat nie alreeds daar was en
weer sal wees nie.

Hoe gouer julle hierdie inligting in julle betreklike kort tydsbestek
hier op aarde julle eie maak en ophou om My, die Oneindige, in
julle klein en beperkte menslike raamwerke te probeer pas, ja, hoe
gouer sal julle tot die volle besef kom watter geweldige voorreg en
genade julle te beurt geval het om op hierdie aarde teenwoordig te
kan wees.

Hier, waar die Meester van alle lewe, die skeidingsmure tussen
materie en Gees persoonlik kom afbreek het, sodat elkeen, ongeag
in watter tydvak hy homself bevind, die voorreg kan smaak om van
aangesig tot aangesig te staan te kan kom voor die Oerbron van
alle Lewe, waaruit elkeen van julle sy oorsprong het.

Openbaring 106
Die nuwe Leier gaan 'n teleurstelling wees.
7 September 2007 23:00
www.nuutsteopenbaringevanjudithdebeer.co.za

Judith de Beer
Onder julle mense is daar heelwat van julle wat die
betreurenswaardige posisie waarin julle volk tans verkeer,
toeskryf aan die feit dat dit julle aan ŉ sterk leier ontbreek.
Die waarheid is egter dat dit julle eie swak keuses was wat
veroorsaak het dat julle nou in hierdie gemors sit.

Nog altyd het julle keuses op voortvarende en hoogmoedige leiers
geval, wat dit byna nooit nodig geag het om My om bystand en
raad te nader nie. Maar hoogmoedig het hulle hul eie kop gevolg
en ondanks die vertroue wat die volk in hulle gestel het, is julle
soos goedkoop vee uitverkoop en aan julle eie lot oorgelaat. Maar
nog steeds is daar sekeres onder julle wat hoop dat daar ŉ mens
sal opstaan om julle vanuit julle ellende te kom verlos.

Ja, net soos die Jode van ouds wat vas geglo en tevergeefs gewag
het op ŉ "verlosser", wat hulle vyande en ook sommer die hele
wêreld onder hulle "mag" moes kom onderwerp, ja, net soos wat
Ek destyds vir hulle ŉ teleurstelling was, so gaan die Leier wat wel
tot julle redding gaan kom, vir baie ŉ groot teleurstelling wees.

Hierdie Leier se naam gaan Liefde heet en Hy sal as ŉ onbreekbare
Eenheid vanuit die ware opregtes se harte heers en Sy oë
sal nie op wêreldpolitiek gerig wees nie, maar op die komende
Vrederyk wat alreeds in sig is.

Onder mekaar sal diegene wat hierdie Leier in hul harte dra, se
rangordes soos volg lyk. Die heel grootste onder hulle, sal die
dienaar van die heel kleinste wees. So sal hulle die lewende
ledemate van die ware Verlosser hier op aarde word. ŉ
Duisendjarige Vrederyk sal onder hierdie Koningskap gedy.

Openbaring 107
Profete teenoor propageerders.
9 September 2007 09:30
www.nuutsteopenbaringevanjudithdebeer.co.za

Judith de Beer
Nie alle mense wat lidmate van die een of ander kerk is, is
noodwendig boos omdat hulle blinde navolgers van hierdie
organisasies is nie. Maar alle kerke wat huidiglik besig is om
hulself onder een sambreel van ŉ oorkoepelende beheerliggaam
te plaas, is sonder enige twyfel besig om hulle onder die volle
beheer van die valse engel van die lig te plaas. Waaroor daar
reeds lank gelede geprofeteer is.

My gestuurdes, wat boodskappe vanaf My na die aarde bring,
word profete genoem wat in My Naam profeteer. Die valse
profete, wat op hulle beurt weer satan se boodskappe aan
die wêreld oordra, propageer, en dit is presies wat hulle oor
die afgelope dekades met nougesette noukeurigheid gedoen
het.

Soos ŉ onophoudelike druppende kraan, is dit in die mens in
gepropageer dat almal, ongeag taal, kultuur, kleur of godsdiens,
mekaar se fisiese, sowel as geestelike broers of susters is. Met
die finale eenbeheerliggaam wat nou in volle sig kom, word al
satan se kinders nou in een kraal gejaag, waar hulle op My skape,
ja, die ware uitverkore kinders van God, met venyn en haat sal jag
maak. Dit onder die mees walglike dekmantel van naasteliefde.

Erger as Middeleeuse barbare, sal hulle die wat Myne is, met haat
vervolg. Maar reeds is Myne op die voorhoof verseël met die enige
ware onuitspreeklike Heilige Naam, van die ewige groot, EK IS.
Daarom verseker Ek julle, My kindertjies, dat julle toegerus is met
die beste beskerming wat daar in My ondenkbare groot heelalle is.

Openbaring 108
Spesiaal vir jou, Sion.
10 September 2007 9:00
www.nuutsteopenbaringevanjudithdebeer.co.za

Judith de Beer
Groot is jou beproewing, Ek weet van al jou ongerief. Tog bly jy
My kleine hartedief, Sion, Ek het jou baie lief. Jou kruis dié wil Ek
vir jou dra, jou sware las vir jou kom ligter maak. Jaloers, die sal
Ek oor jou, My bruid, die heeltyd waak. Vanuit almal wat bestaan,
is jy alleen gekies as My lewensmaat. In groot gevaar sal Ek My
bruid veilig in My arms dra. Op haar beurt sal sy andere se kruis
weer vir hul help dra. Terwyl die aarde in droef en rou tot as
vergaan, gaan Ek vir My uitverkorenes ŉ goue weg na My
oopbaan.

In My nuwe stad Jerusalem, kom Sion aan My sy, haar plek as
bruid volstaan. Vele koningskinders gaan sy baar, wat hul plek
in My ewigheid waardig vol sal staan.

Openbaring 109
Dit het tyd geword om te ontwaak.
10 September 2007 23:00
www.nuutsteopenbaringevanjudithdebeer.co.za

Judith de Beer
Orals neem aardbewings oor die hele wêreld toe. Die een
vloed volg die ander op. Op verskillende plekke raak ou
vulkane weer aktief. Tolwind, sikloon en orkaan is aan die
orde van die dag. Ja, seisoen en weer, alles is erg versteur.
Reeds loer daar verskeie dodelike peste om die deur.
Fratsgolwe kom ook nog aan die beurt. Maar ongeag al
hierdie onreëlmatighede wat hulself in die natuur afspeel,
gaan die mensdom ongesteurd sy gang. Word hul dringend
hieroor vermaan, word bloot hul skouers ongeërgd opgehaal.
Verveeld word daaroor gelag. Spottend word My dringende
vermaninge, verveeld die wind in gestrooi.

Soos wat die aarde sy eerste sterwenspasmas binnegaan, is
menig siel ook besig om die ewige dood in te gaan. Hiermee
saam het dit ook die tyd geword vir Myne om te ontwaak.
In vele harte is daar ŉ onverklaarbare blye opborreling. Met ŉ
spontane sekerheid, begin My kinders wêreldwyd te weet dat
hul deel is van My groot plan. As My uitverkore aartsgebore
engeleskaar, word nou hul oë geopen. Dit wat die wêreld nou
krampagtig vir hul wil bied, erken hulle vir die leë illusie wat
dit is. Een vir een begin My kinders nou nader staan, om in
die beskermende kring van My Vaderarms te kan kom staan.

Openbaring 110
Leë woorde en dooie lippe.
11 September 2007 11:30
www.nuutsteopenbaringevanjudithdebeer.co.za

Judith de Beer
Eenmaal is daar aan My gevra, "Meester leer ons om te bid" In
antwoord hierop het Ek gespreek en gesê, “en so moet julle bid”
waarop Ek die woorde van die bekende Onse Vader aan die
mensdom gegee het.

Maar nog nooit het Ek ooit van die mensdom gevra om My met
leë woorde en dooie lippe te aanbid nie. Ydele lofprysinge was
nog altyd vir My ŉ sinnelose gruwel, waardeur niemand My nog
ooit geëer het nie. ŉ Kind van My, wat tot My in gees en waarheid
vanuit ŉ opregte en liefdevolle hart spreek, was nog altyd vir My
een van die grootste kosbaarhede wat daar nog ooit was.

Soveel te meer, wanneer hy sy liefdevolle gebed tot My in die
praktyk omskep en ŉ medemens in nood, met die grootste deernis
nader en met die middele tot sy beskikking, diensbaar teenoor sy
ongelukkige minderbevoorregte naastes raak.

Ja, so ŉ kind van My, blaas ware Goddelike lewe in die goue ou
woorde wat as volg lui. "Dit wat jy aan die minste gedoen het, dit
het jy aan My gedoen. Dit is wat Ek ŉ lewende gebed noem.

So ŉ kind sal Ek in hierdie tye met groot krag seën. Baie van die
wêreld sal in hierdie dae kom skuiling soek onder die beskerming
van hierdie kragtige "wapen", naamlik die gebed van die ware
opregtes.

Openbaring 111
Die Groot Skoonmaker.
12 September 2007 14:00
www.nuutsteopenbaringevanjudithdebeer.co.za

Judith de Beer
Onder die aanvoering van satan, deur middel van sy
eenwêreldorde, sal daar ŉ verdrukking op hierdie aarde wees,
soos wat daar nog nooit voorheen was en ook nooit weer sal
wees nie. Indien Ek nie sal ingryp en die dae verkort nie, sal
geen vlees dit kan oorleef nie.

Die oordele wat huidiglik besig is om oral in die natuur af te speel,
is die gevolg van wreed versteurde ordes. Die blaam hiervoor kan
slegs voor die deur van die mens en sy wetenskap gelê word. Ek
is ŉ Liefdevolle Skepper, wat nie skep om te vernietig nie en wat
daarna streef om alles in My skepping na volmaaktheid aan te
spoor.

Huidiglik het die hele wêreld so boos geraak, dat Ek My vir ŉ wyle
daarvan gaan onttrek. Die mens wat My met geweld eenkant toe
stoot, gaan Ek toelaat om te doen wat hulle wil doen. In hierdie
menslike doen en late, lê die groot Oordeel en baie sal My in
daardie dae soek, maar nêrens vind nie.

Wee die een wat My as ŉ God van wraak en oordeel aan die wêreld
wil voorstel. My toorn sal slegs oor diegene ontvlam wat dit vir My
uitverkorenes ondraaglik sal maak. Ek sê weer, dit wat mense as
My toorn wil uitmaak, bloot My Afwesigheid sal wees. Waar Ek
afwesig is, is totale chaos onafwendbaar. Waar daar chaos is,
daar moet Ek kom reinig.

Ek sal hierdie aarde van hoek tot kant kom skoon en nuut maak,
sodat My weergebore kinders dit as ŉ ewige erfporsie in besit
kan neem. Die tyd, dag en uur van hierdie groot skoonmaak is
slegs aan My, die GROOT SKOONMAKER, bekend.

Openbaring 112
Weeg My Woord eers.
13 September 2007 24:00
www.nuutsteopenbaringevanjudithdebeer.co.za

Judith de Beer
Ek spreek tot die mens in die taal van die mens en tog begryp
die mens nie dit wat tot hom gespreek word nie. Hoe sal dit vir
die mens moontlik wees om God te begryp, wanneer Hy as God
sal spreek.

Die mens wat My Woord wil spreek, vir hom sê Ek: Bou eers vir
jou ŉ skaal. Weeg elke woord noukeurig volgens die Waarheid
daarop af, voordat jy jou woord op die pad van jou naaste loslaat.

Wees dubbel versigtig, dat ander nie oor jou woorde sal struikel
en jy hulle so tot ŉ val sal bring nie. Maar wandel altyd op die weg
van die Waarheid. Soek eers die suiwer koninkryk van God binne
jouself. Dit wat jy kortkom, ja, dit sal Ek in My groot Genade,
volgens die maat waarmee Ek jou toegerus het, aan jou skenk.

Openbaring 113
Daar sal jou hart ook wees.
13 September 2007 17:00
www.nuutsteopenbaringevanjudithdebeer.co.za

Judith de Beer
Alhoewel die mens in ŉ sekere mate oortuig daarvan is dat hy ŉ
onsterflike siel is, bly daar maar altyd ŉ mate van twyfel, dat met
die uitblaas van die laaste asem, ook die mens se liggie vir ewig
uitgedoof sal word.

Die teendeel is egter dat op dieselfde oomblik wat die liggaamlike
dood intree, onttrek die volle lewende bewussyn (die siel) haarself
vanuit die materie en aanskou in verwondering die eie ontslape
liggaam. In die vrye toestand waarin die wese hom skielik bevind,
is dit vir hom moeilik om te bedink dat hy homself as lewe, in so
ŉ totale dooie voorwerp kon bevind het.

Ja, die bewussyn en nie die liggaam nie, is die ware lewe en so
ontstaan met die intrek van die gees in die materie, die eerste
polsende hartklop, wat die kosbare lewensgewende sappe,
ritmies deur die liggaam, vir die res van sy verblyf op aarde
sal dra.

Met die vertrek van hierdie bewussyn (siel) vanuit haar tydelike
aardse woning, verstil alles in die materie weer met ŉ enkele
laaste hartklop. Direk hierna word die siel deur die beter of
slegter geeste, afhangende van die geestelike toestand, na
die geestelike sfeer begelei, wat die siel vir haarself, met haar
verblyf op aarde voorberei het.

Hier is die woorde van toepassing wat soos volg lui: “Daar waar
jou skat is, daar sal jou hart ook wees”. Hoe intenser die mens
homself bearbei het om in liefde nader aan My, sy Skepper, te
kan kom, presies so sal dit vir hom wees. Ek en hy sal mekaar
van aangesig tot aangesig in liefde aanskou. Maar helaas, vir
die een wat tydens sy aardse lewe weinig moeite gedoen het,
so sal dit vir sy siel maar karig in die hiernamaals uitsien.

Openbaring 114
Vrees se grootste teenvoeter.
14 September 2007 8:00
www.nuutsteopenbaringevanjudithdebeer.co.za

Judith de Beer
ŉ Psigopaat verlam altyd sy slagoffers eerste met hulle eie vrees,
waarna hy met hulle speel soos ŉ kat met ŉ hulpelose muis. Dit
is presies wat satan huidiglik met die mensdom, deur middel van
wêreldbeheer, doen. Almal skarrel soos verskrikte muise om elke
jota en titel, ja elke gril van hierdie monstermoondheid te behaag.

Ek het julle, My kinders, ryklik toegerus met eienskappe wat vir
julle van onskatbare waarde in hierdie tye kan wees en waarvan
kalmte een van die belangrikstes is. Wat ookal die toekomende
gebeure of omstandighede gaan wees, of dit kataklismes,
siektetoestande óf onluste gaan wees, kalmte moet altyd julle
wagwoord wees.

Vrees lê alle rasionele denke lam en ŉ vreesagtige mens is nie in
staat om van die Goddelike Gees binne hom gebruik te maak nie.
Vrees en paniek is die grootste teenvoeter vir geloof en hoop. Die
mens wat met My hulp alle vrees oorwin, die het homself in al sy
swakhede oorwin.

Vrees is enige vyand se magtigste wapen, daarmee ontwapen
hy sy slagoffer van wapens soos geloof en hoop, waaruit kalmte
weer voortspruit, wat op sy beurt weer planmatige vindingrykheid
voortbring en waarmee Ek vir julle, My kinders, ryklik toebedeel
het. Glo daarom onwrikbaar in My, hoe hopeloos ŉ situasie ookal
lyk.

Weet dat Ek met My Goddelike Teenwoordigheid in die sentrum
van julle wese is en maak met selfvertroue hiervan gebruik. Ek
sal julle met My Goddelike Skild van beskermende Liefde omvou

en vreesloos sal julle, My geliefdes, midde in groot gevare veilig
bly staan. Ja, een kalm, vreeslose mens sal waardig wegstap,
terwyl duisende vreesagtiges mekaar in waansin sal vertrap.

Openbaring 115
Selfaangestelde voorlopers.
15 September 2007 10:15
www.nuutsteopenbaringevanjudithdebeer.co.za

Judith de Beer
Hoeveel maal moet Ek die mens daarop attent maak dat elke deel
van die liggaam onontbeerlik vir die volgende deel is en dat Ek
alleen, die Alwyse Stuurman van hierdie totale liggaam is.

Maar nog steeds is daar vele wat hulself as die voorlopers wil
beskou. Selfs nog ŉ treetjie verder wil gaan en die leisels uit
My Goddelike Hande wil neem. Huidiglik leef julle in kritieke tye.
ŉ Ieder en ŉ elk onder julle is bloot swak mense, wat heeltemal
van My beskermende genade afhanklik is en daar is nie, soos
wat sommige hoop, een of meer onder julle wat met bonatuurlike
mag of krag toegerus is, en julle volk op ŉ wonderbaarlike wyse
gaan red nie.

Maar die swakste en soms vir julle die mees veragtelikste, kan
met ŉ eenvoudige gebed, wat in waarheid en liefde tot My gerig
is, die grootste wonderwerke denkbaar verrig. Wat baat dit die
mens dat hy die Skrif soos die palm van sy hand ken, maar klaar
weer dieselfde foute as tweeduisend jaar terug begaan.

Bloot om een van My uitverkorenes, uit ŉ wêreldbevolking van
biljoene, te kan wees, is reeds ŉ ongekende genade. Waarom
nog heel voor wil staan, terwyl julle goed weet dat daar geskrywe
staan; “wie voor wil staan, sal na agter verwys word en die
agterste sal deur My na vore genooi word”.

Ondersteun mekaar daarom in liefde. Nie in heerssugtige leierskap
nie, wat net daartoe bydra dat broers mekaar op allerhande slegte
wyses onderkruip en belaster. Soos vele male tevore sê Ek weer;
elke mens is met ŉ vrye keuse toegerus. Besluit daarom self of
julle in hierdie tye op prinse of op My gaan vertrou.

Daar is wel diegene onder julle van wie Ek gebruik gaan maak,
wanneer die gesindheid van julle harte reg is. Moet daarom nie
julleself salf nie, maar laat My toe om dit te doen.

Openbaring 116
Hou aan met kritiese selfondersoek.
16 September 2007 3:30
www.nuutsteopenbaringevanjudithdebeer.co.za

Judith de Beer
Daar is huidiglik heelwat onder julle wat gedurigdeur besig is om
julleself krities te ondersoek. Al julle doen en late word onder ŉ
sterk vergrootglas geplaas, waar dit in die fynste besonderhede
geanaliseer en noukeurig ondersoek word.

Bykans niks, wat julle van watter aard ookal doen, voel vir julle
reg nie. Ja, dit voel vir julle kompleet asof julle julleself in ŉ
doodloopstraat bevind. Maar Ek sê; verbly julleself hieroor,
omdat die onsterflike lewensgees binne julle, besig is om in
ŉ aktiewe stryd teenoor die verganklike materie te tree.

Dit wat die wêreld julle, op watter aantreklike manier ookal,
aanbied, weet dat die gees binne julle, reeds die vermoë begin
ontwikkel het om die materie waar te neem vir die leë illusie wat
dit is. Al wat die wêreld julle nog kan bied, is ŉ onbehaaglike
gevoel met ŉ bitter nasmaak.

Maar terselfdertyd is daar ŉ diep verlange besig om binne julle
te ontwikkel, wat julle daarna laat smag om ongekende geestelike
hoogtes te bereik, waar julle hoop om een met My, julle liefdevolle
Skepper te word.

Daarom kan die van julle, wat julleself hierin erken, met reg
die eersgeborenes van die Gees genoem word. As My lewende
werktuie sal julle in hierdie eindtye menigmaal ŉ helpende hand
na ŉ swakker broer of suster uitsteek. Om hulle so van die ewige
dood te red.

Openbaring 117
Naam en identiteit.
Maandag 17 September 2007 9:00
www.nuutsteopenbaringevanjudithdebeer.co.za

Judith de Beer
Om al My kinders wat My opreg en met liefde in hierdie tye in hulle
harte dra, te kan akkommodeer en die nimmereindigende konflik
onder die hardkoppiges onder julle te vermy, word daar in opdrag
van My, na My, in al hierdie skrywes, hoofsaaklik as die Vader,
Skepper of Verlosser verwys. Abba is die Hebreeuse woord vir
Vader. Deur My, Abba Vader te noem, bevestig julle My Vaderskap
vanuit Hebreeus in julle eie taal.

Anders as julle hedendaagse gebruik om meestal mooi-klinkende
name aan julle kinders te gee, het die mense van die antieke tye ŉ
meer beskrywende naam aan ŉ kind toegedig wat heelwat van sy
agtergrond, godsdiens en selfs omgewing verklap het. Menigmaal
is ŉ kind so opgevoed, sodat hy reg aan sy naam kon laat geskied.

Menig Joodse ouers het hulle later op die tempel verlaat en teen
ŉ nie te geringe prys, is ŉ kind deur die priesters van ŉ naam
voorsien. Een van die redes vir My koms in daardie dae was
juis om die mens van die onmenslike tempelleer en -reëls te
kom bevry. Daarom is My Naam direk vanuit die hemel, deur
ŉ boodskapper aan My aardse voog (Josef) oorgedra.

Die betekenis en besonderhede omtrent My Naam, sal enige
gesoute skrifstudent onder julle noukeurig kan uiteensit. Die
antieke skryfvorm van daardie dae en julle huidige alfabet het
min ooreenkomste met mekaar. Moet daarom nie julle hoof te
veel breek, oor die, vir julle so belangrike spelling van My Naam
nie. Maar dink eerder daaraan dat dit moontlik is vir ŉ identiteit
om ŉ naam te verander. Maar nooit kan ŉ naam ŉ identiteit
verander nie.

Openbaring 118
Een nasie teen ŉ ander.
18 September 9:00
www.nuutsteopenbaringevanjudithdebeer.co.za

Judith de Beer
Die wêreld staan op die vooraand van globale ontwrigting. Ja, ŉ
kruitvat wat wag op ŉ enkele vonk om in alle rigtings te ontplof.
Vanuit die dieptes van die seë, tot buite die aarde se atmosfeer,
word menig kernwapens na mekaar gemaneuvreer.

Ja almal het mekaar onder skoot. Waansinnig probeer satan, om
deur vele oorlogs-loop, homself tot ŉ valse vrede te beheer. Die
een nasie is besig om teen die ander op te staan, terwyl die aarde
besig is om onder kataklismes onder te gaan.

ŉ Sluipmoord word nou fyn beplan, om die grotes tot ŉ eenheid
saam te span. Maar Ismael het klaar sy boog in wraak gespan.
Daar is baie wat aan sy kant gaan staan. Terwyl die aarde onder
oorlogstuig gaan dreun en Amerika, ook Europa van pyn gaan
steun, gaan Ek My maagd na veiligheid toe lei. Ja, ŉ plek het Ek
reeds vir haar voorberei.

Openbaring 119
Wee die dag van My groot hofsitting.
19 September 2007
www.nuutsteopenbaringevanjudithdebeer.co.za

Judith de Beer
Vir die mens wat sy vinger beskuldigend na die hemele en My,
sy Skepper, wil lig en daaraan dink om My voor sy regterstoel
te bring en My vanuit ŉ menslike oogpunt skuldig bevind, aan
dit wat ŉ sondige wêreld oor homself gebring het; vir julle sê
Ek: Wee die dag van My groot hofsitting. Wanneer elkeen,
groot en klein, voor My regterstoel sal staan en elkeen na sy
eie werke, goed of kwaad geoordeel sal word.

Met die spotter sal daar gespot word en die lasteraar sal onder
die gewig van sy eie vervloekinge op die aarde neergewerp word.
In ongekende angs sal hy die aarde om hulp smeek. In antwoord
sal sy oopskeur, om hom ewig in haar dieptes te bring en sy sal
haarself weer bo hom sluit. Om hom so voor My Aangesig te
verberg.

Maar aan julle, My geliefdes, sê Ek, dat menige swak werke julle
vergewe sal word, deur ŉ enkele liefdes takie wat julle in opregte
liefde aan een van die minstes gedoen het. Ja, dit het julle aan My
gedoen. Groot sal julle loon vir die ewige lewe wees.

Openbaring 120
Wee die valse giftige vrug
20 September 2007 3:00
www.nuutsteopenbaringevanjudithdebeer.co.za

Judith de Beer
Salig is die eerlike onvrugbares wat hulself besig hou met
goeie werke wat gebore is uit Waarheid en Gees. Dit is beter
om kinderloos deur die lewe te gaan, as om ŉ giftige vrug,
as gevaar vir ander se lewe te baar. In wellus wil die leuen
vir haarself ŉ kind verwek en in die wieg van die waarheids
kind, wil sy haar telg neerlê.

As ŉ enkel suiwer vrug, is klaar My Sionskind gebaar. Wee die
valse saad, wat in sy plek wil staan. Natan sal Ek stuur om die
gruwel oop te vlek. In die valse moederskoot sal die onsuiwer
fetus sterf. Die waarheid sal die leuen ontbloot, wee daarom die
valse skoot.

Openbaring 121
Boosheid het sy grense oorskry.
21 September 2007
www.nuutsteopenbaringevanjudithdebeer.co.za

Judith de Beer
Die tyd het gekom waar die boosheid sy eie grense oorskry het.
Daar bestaan nie meer ŉ moontlikheid dat die wêreld homself
gaan besin en verbeter nie. Nog minder is daar ŉ kans dat daar
ŉ eenwêreldmoondheid is wat die knieë deemoedig voor ŉ ander
gaan buig. Innemend glimlag die een regering vir die ander. Terwyl
hulle in vriendskap mekaar warm die hand uitreik, word mekaar se
ondergang agteraf op groot skaal beplan. satan se heerskappy, ja,
sy kort hoogtepunt is in sig. In sy opgewonde waansin, weet hy
nie waar om te vat of waar om te los nie.

Boosheid is besig om teen boosheid op te staan. Soos muiters
wat alles in chaos buit, so raak regerings die kluts ook kwyt.
Verbouereerd begin hul om die hand na hul eie vyande uit te
reik. Skeurings in eie geledere is al wat hul in ŉ krisistyd gaan
berei. So verloor ook hul beheer. Daar is niks wat die waansin
in menig land gaan keer. Wanhopig sal die mensdom hom nou
na sy kerk wil keer.

Hier sal hul vind, satan is nou in volle beheer. Verlore sal hul
noodkreet in die dieptes van globale chaos wegsink. Ongestoord
in ŉ wêreld wat vergaan, sal vas soos ŉ rots, My kinders, trots vir
My bly staan. Na baie sal hul die hand uitreik. So sal nog ŉ paar vir
My, hul God bereik.

Openbaring 122
Ek sal My vir julle skaam.
22 September 2007 16:00
www.nuutsteopenbaringevanjudithdebeer.co.za

Judith de Beer
Nog altyd was My boodskappe en profesieë van so ŉ aard deur
profete en sieners aan die mensdom oorgedra, sodat niemand ŉ
vasgestelde tyd van die einde daaraan kon koppel nie. Vir baie
eeue het baie geslagte voortdurend gespekuleer oor die spesifieke
tyd van My wederkoms. Telkemale en met die nodige tekens, het
die vyeboom dikwels, tot aansporing van vele geslagte se
geestelike groei, gebot. Maar Ek sê nou vir julle, sy loot het baie
sag en groen vir sy finale bot geword.

Die onder julle wat julle gesig van hierdie openbaringe
wegdraai, omdat dit nie voldoen aan die vereistes, wat
volgens julle standaarde, rondom My gebou is nie en
julle, julle daarom in hoogmoed en trots vir My skaam,
vir julle sê Ek: Die dag van die groot ontmoeting het
naby gekom, en ook sal julle nie voldoen aan die
verwagtinge wat Ek rondom julle gebou het nie.

Wanneer julle in wanhoop na My sal roep, sal Ek julle
die gesig wegkeer, omdat Ek My vir julle sal skaam.
Maar My kinders waarsku Ek met ŉ dringendheid, dat
satan die vermoë het om met ŉ flinke tong en vaardige
spraak, homself baie geloofwaardig aan die mens te kan
oordra. Wees daarom dubbel versigtig vir enigiets wat na
ŉ te maklike oplossing lyk.

Openbaring 123
Waak teen dwepery.
23 September 2007 16:00
www.nuutsteopenbaringevanjudithdebeer.co.za

Judith de Beer
Die hele huidige wêreldsisteem is van ŉ valse, walglike,
dwepery aanmekaar gesit. Moet My daarom nie probeer
eer, of aan ander oordra deur te dweep nie. Soek My
Teenwoordigheid in die standvastigheid van julle geloof
en liefde. Nie in histeriese euforieë en allerhande tekens
nie. Streef daarna om My in opregte liefde en waardigheid
te soek en waak teen enige vorm van dwepery, omdat Ek
ŉ afsku daaraan het.

Dweep is ŉ vorm van menslike manipulasie, waardeur daar
gepoog word om My met emosionele dwang na menslike
pype te laat dans. Vanuit ŉ dweepsieke gemeenskap ontstaan
allerhande gruwels, waarvan rituele en dreunende gebede ŉ
goeie voorbeeld is. My teenwoordigheid en werke kan nooit
deur enige dwang afgedwing word nie.

Maar daar waar opregte geloof is, sal Ek verseker soos ŉ Sagte
Koel Bries teenwoordig wees. In waarheid en gees, kan julle nou
na die begeerte van julle harte spreek. Ek sal julle antwoord.

Daarom moedig Ek julle aan om ŉ persoonlike noue verbintenis
met My aan te knoop, sodat julle geestelike toestand van so ŉ
aard kan ontwikkel, en julle tot die ware lig en insig kan kom en
julle sodoende alle grense wat julle tot op hede beperk het, kan
oorsteek en die werksaamheid van My Gees so in julle tot ŉ
werklikheid kan kom.

Openbaring 124
Gebruik hierdie eenmalige geleentheid.
24 September 2007 6:00
www.nuutsteopenbaringevanjudithdebeer.co.za

Judith de Beer
Alles omtrent hierdie aarde is tydelik en in ŉ nimmereindigende
voortdurende lewensiklus word alle lewe in hulle verskillende
vorme, die geleentheid gebied om hulself tot ŉ sekere
volmaaktheid, in hulle onderskeie ordes, te kan opwerk. Daar is
niks op hierdie aarde, of in die oneindige skeppingsruimte, wat
so uniek soos die vrydenkende, skeppende mens is nie.

Daarom het Ek hierdie aarde met sy ondenkbare verskeidenheid
vir die mens as ŉ kort opleidingsentrum daargestel, sodat dit vir
elke indiwidu moontlik is om, na die graad van sy liefde, na sy eie
ewige volmaakte status te kan streef. Daarom probeer Ek die mens
deurentyd aanmoedig en motiveer om ten volle van hierdie kort en
eenmalige geleentheid gebruik te maak, om sodoende ŉ
volmaakte kind van My te kan word.

Die mens het Ek onder twee verskillende geestelike groepe hier op
aarde geplaas.

Die een is ŉ minderheidsgroep wat ons met reg, die "Martha’s"
kan noem. As gekose werktuie, is hulle deur My na hierdie aarde
gestuur, om as dienende geeste onder die mense, op alle
denkbare maniere werksaam te kan wees. Deur te dien, vind
daar deemoediging, asook suiwering by hulle plaas, wat tot
die opgradering van hulle geestelike ordes en ook Goddelike
kindskap kan lei.

Waar die tweede meerderheid groep, naamlik die ‘Maria’s’, My
geliefde vrye wesens is, wat na hulle eie goeddunke en volgens
die liefde van hulle hart kan handel. Dit is aan hierdie seer
geliefdes wat Ek My uitnodiging stuur. "Kom ontspan by My
voete en lê jou hoof neer op My skoot, sodat Ek My hand in
Liefde op jou hoof kan neerlê. Terwyl Ek jou in die binnekamers
van My Hart en die ewige lewe inlei.

Openbaring 125
Beter om My nie te ken nie.
25 September 2007 8:30
www.nuutsteopenbaringevanjudithdebeer.co.za

Judith de Beer
Enige iemand wat sy persoonlike voorkeure of eie sienings bo
My stel, is My nie waardig nie. Ek sal My van hom wegkeer. Ja,
wee die een wat My Woord verdraai om by sy eie agendas aan
te pas. Dit is beter om My nie te ken nie, omdat dit wat jy nie ken
nie, jou nie toegereken kan word nie, as om My te ken en te weet
dat Ek regverdig is en jy My nogtans op die proef stel. Ek sal so
een nie teleurstel nie. Ek sal hom op dieselfde wyse besoek, as
wat hy begeer dat Ek sy vyande moet besoek.

Die een wat net dit wil sien wat hy wil sien, van hom sal die volle
sig ontneem word. Net so sal dit gaan met die een wat net dit wil
hoor wat vir hom aangenaam is. Alles wat Ek as eiendom aan
hierdies geskenk het, dit sal hulle ontneem word.

Ek sal dit skenk aan die wat in geestelike armoede na My
smag. Die onvrugbares sal vir My aangename vrugte dra.
Ja, My boodskappers sal Ek uitstuur en hulle sal die
gebrekkiges met die klere van die lewe klee. Groot vreugde sal
daar op My huweliksfees wees. Buite sal die wat onrein is, in
groot berou en afguns toekyk

Openbaring 126
Moet nie die Gees bedroef nie.
26 September 2007 8:00
www.nuutsteopenbaringevanjudithdebeer.co.za

Judith de Beer
Daar is nie een onder julle wat sonder sonde of volkome
regverdig is nie. Maar in hierdie tye verwag Ek van My
gekose werktuie, om daarna te streef, om te alle tye bo
alle verdenking te staan. Huidiglik is daar die onder julle
wat daarop uit is om tweespalt onder mekaar te bring.
Dit ontbreek nie aan sataniese wolwe, wat met duiwelse
lis daarop gefokus is om My skape, veral hier aan die
Suidpunt van Afrika, uitmekaar te jaag nie.

Daar is reeds heelwat onder julle, wat reeds onbewustelik,
die doping van My Gees ontvang het en daarom moet daar
baie noukeurig gewaak word om nie die Gees binne julle te
bedroef nie.

Net soos wat Ek, na My liggaamlike doop in die Jordaan, die
Goddelike Gees ontvang het en My daarna in ŉ dorre geestelike,
sowel as fisiese woestyn onttrek het, om in die swakheid van My
menslike liggaam en siel, die nodige opleiding te kon ontvang, om
tot die volle sterkte van My Gees te kon ontwikkel, om sodoende
volle weerstand te kon bied teen die versoeker wat My, met al sy
lis en krag, kom besoek het.

Net so moet julle in julle volle swakheid, die heeltyd daarna streef
om julle siel in voorbereiding te bring, om in samewerking met My
Gees in julle, tot aktiewe werksaamheid oor te kan gaan.

Openbaring 127
Die leuenagtige kerk.
Donderdag 27 September 2007 02:00
www.nuutsteopenbaringevanjudithdebeer.co.za

Judith de Beer
Met die medewerking en hulp van ŉ leuenagtige kerk. Het satan
slinks My volk in kennis en wysheid beperk. In goud en glans
het satan en predikant hulself eenparig verskans. Geletterd en
geleerd het menig kerklidmaat, My Waarheid, hoogmoedig die
rug toegekeer, hul slegs deur hul kerk en in samewerking met
sy groot broer, die politiek laat leer en deur hierdie helgeskepte
despoot, lê almal nou onderdanig in satan se een oorkoepelende
sloot.

Maar nog steeds stoot hierdie ydeles hul snoet hoogmoedig
omhoog. Van enige berou is daar geen spoor. Die paar wat nie
in hul sotheid wou deel, moet nou maar stilswyend en gedweë
hul lot deel. Onder die juk van ŉ verderflike wetgewing moet
goed en sleg nou saam vergaan. Kerk en politiek gaan Ek ook
met reg, saam met die Antichris, oor die afgrond laat gaan.

Maar reeds is Ek besig om in My getroues se harte, met My ware
lewende Woord, in te trek. Vanuit hier sal Ek onder My Melgisedek
orde regeer. My uitverkore priesters, sal menig kind vanuit die
oneindigheid in Waarheid en liefde, na My, hul God en Vader, keer.

Openbaring 128
Met julle hele hart en wese.
28 September 2007 09:00
www.nuutsteopenbaringevanjudithdebeer.co.za

Judith de Beer
Vandag spreek Ek tot elkeen wat om die een of ander
onverklaarbare manier, die heeltyd na My smag en wat
intens en opreg na My Teenwoordigheid in hierdie tye
verlang.

Daar staan geskrywe dat julle niks van dit wat aan julle
naastes behoort, mag begeer nie. Maar Ek sê vir julle,
dat Ek nie die eksklusiewe eiendom van julle naastes
is nie. Begeer My daarom met julle hele hart, siel en
wese, sodat Ek een met julle kan word en julle My as
julle eksklusiewe eiendom, na hartelus aan julle naastes
kan uitdeel.

Maak My die polsende hartklop van julle bestaan-,nog beter,
maak My die Lewende Hart self, sodat Ek die sentrum van
julle totaliteit kan wees. Ek sal as die lewende orgaan binne
julle, die lewensgewende bloed (gees) deur julle laat stroom
en daardeur alles, in en om julle, tot lewe wek. Julle sal so
My lewende verteenwoordigers op hierdie aarde word. Dit
wat Ek met My liggaamlike verblyf op die aarde verrig het,
dit, en nog baie meer, sal julle in My Naam, tot voordeel van
vele ander doen.

Openbaring 129
Julle is in drie groepe verdeel.
29 September 2007 10:00
www.nuutsteopenbaringevanjudithdebeer.co.za

Judith de Beer
Julle volk is huidiglik in drie groepe verdeel. Waarvan die
grootste groep ŉ vreesagtige klomp huigelaars is, wat hulle
identiteit en geloof soos goedkoop gemors, voor die voete
van hulle selfaangestelde oorheersers gewerp het en
owerspelig met hulle heidense afgode saam baljaar.

Die tweede groep is, ondanks hulle vele foute, besig om
te ontwaak. In benoudheid en wanhoop word daar na My
geroep. Ek sal hulle nie beskaam laat nie.

Aan die laaste groep wat tussen die boom en die bas rondhang,
om te kyk waar dit die beste vir hulle gaan wees, sê Ek: Maak
jou keuse gou, omdat Ek jou saam met die eersgenoemdes uit
My Mond gaan spuug.

Ja, aan diegene wat hulle hart teenoor My verhard, sê
Ek die volgende: Elkeen is met ŉ vrye wil toegerus en
kan volgens die liefde van sy hart handel. Wie daarom
wil hoor, laat hom hoor en laat die dowes, volgens hulle
wil, doof bly. Ek stuur swaard, hongersnood en pes onder
die goddelose mense, wat na My ware Woord nie wil luister
en hulle bekeer nie. In bloed sal Ek hulle aan dieselfde hand
oorgee, waaraan hulle hulself onderwerp het. Ja, onder hulle
voete sal die verwerpte aarde dreun. In ŉ kragtige aardbewing
sal dit onder hulle meegee.

Bokant hulle hoofde sal die hemele oopskeur en deur
woedende winde sal hierdie onreines meegesleur word.
Die aarde sal van hulle gereinig wees. My oog sal nie
verskoon nie. Daar sal nie een onder hulle gespaar word
nie. ŉ Voorbeeld van self-vervloeking sal hulle vir ewig, vir
almal wees.

Ek sal hierdie skandvlek vanuit My volk reinig. Jakob sal
Ek vry maak. My volk sal nie meer gebuk onder die juk van
slawerny gaan nie, alle plae sal Ek van Sion wegneem. Ek
sal haar in Liefde aan My bors aandruk en haar vertroos.
Aan My sy, sal sy verheerlik word.

Openbaring 130
Alle materiële lewe is bloot illusie.
30 September 2007 5:00
www.nuutsteopenbaringevanjudithdebeer.co.za

Judith de Beer
Die materie het die neiging om dit wat sy sorgvuldig deur haarself,
vanuit die mees onsienlike atoompies, tot ŉ spesifieke vorm
opgebou het, weer net so, na ŉ sekere tydperk, sorgvuldig
deur haarself, tot nietige atome af te takel, om sodoende weer
in haar oerelement te kan verdwyn. Oral in die natuur is hierdie
verskynsel waarneembaar in die ontkieming en geboorte, asook
die ontbinding en verweer van alles.

Dieselfde natuurwet geld ook vir die menslike liggaam en teen
dieselfde tempo waarteen daar deurentyd nuwe selle geproduseer
word-teen dieselfde reëlmaat sterf die oues. In hierdie siklus loop
die lewe en die dood hand aan hand, onafgebroke met mekaar
saam.

En so is dit, vanaf die oomblik van bevrugting, tot en met die
afsterwe van die mens, waar die lewe en die dood nou van
mekaar skei en die dood nou alleen sy taak in die ontbinding
volbring. Ja, soos ŉ damp wat verskyn, om net weer te verdwyn,
so is alle materiële lewe bloot ŉ kort waarneembare illusie.

Hierdie oënskynlike sinnelose kringloop en vermorsing van
lewe het deur baie eeue menig filosoof tot swaarmoedige
neerslagtigheid gestem en so het ook die bekende Prediker
diep gesug nadat hy laat hoor het, dat alles tevergeefs en ŉ
gejaag na wind is.

Maar Ek sê vir julle, dat die mens na My beeld geskape is en om
tot ŉ selfstandige kind van My te kan ontwikkel, moet hy in alles
in My skepping onderrig word en deur die weg van die sterflike
vlees te gaan, kry die lewende gees, in samewerking met die siel,
die geleentheid om meester oor die materie te kan word en so kan
sy na die vervolmaking van haar wese streef.

Om hierdie moeilike proses vir die mens te vergemaklik, het Ek
Self na die aarde gekom en die pad van die vlees gewandel, om
vir julle as ŉ voorbeeld te kan dien.

Openbaring 131
’n Boodskapper in woede.
1 Oktober 2007 10:00
www.nuutsteopenbaringevanjudithdebeer.co.za

Judith de Beer
ŉ Boodskapper het met sy skaal sy hemelse dimensie verlaat.
Na die aarde het hy in woede neergedaal. ŉ Veer het hy uit die
ratwerk van die tyd gehaal. In versnelde spoed gaan die wêreld
vinnig sy einde tegemoet.

Gepla deur menig pes hongersnood en plaag wil die mens nou
baie waag. Maar deur aardbewing en vulkaan stort die aarde nou
inmekaar. Daar is niemand wat die gif uit die lug en water kan haal.
In ongekende krag gaan fratsgolf oor kuslyn en binnelande gaan.
Alleen sal die dood as die oorwinnaar daar bly staan.

Met ontblote swaard is almal nou vir almal kwaad. Na die finale
slag sal daar ŉ groot stilte neerdaal. Droewig en alleen sal
vanuit doodstank die hartverskeurende klank van ŉ enkele
kind opklink. Stukkend en alleen sal ŉ kleuter sy weg deur
ŉ verpletterde en verlate wêreld probeer vind.

Openbaring 132
Chaos in ŉ een-Afrika.
Maandag 3 Oktober 2007 8:00
www.nuutsteopenbaringevanjudithdebeer.co.za

Judith de Beer
Groot verwarring gaan daar onder vele nasies wees. Terwyl
regerings ydel met mekaar kompeteer kan nie een ŉ oplossing
vir hongersnood en pes asook al die kataklismes gee. Ja, menig
Afrikaleier sien in homself die volle "potensiaal" om as koning
en leier oor ŉ een-Afrika te regeer. In naywer begin die bodem
van Afrika voel-voel onder ŉ uitdagende politieke oorlogsdans
te dreun en versigtig word knopkieries nou in alle rigtings na
mekaar uitgesteek.

Hiermee saam stort die wêreldorde se goedgesmede planne nou
in die modder van Afrika ineen. Chaos gaan die politiek voorspring
waar daar druk beplan word om van landsgrense ontslae te raak
om sodoende ŉ een-Afrika tot stand te bring. Daar gaan nasies
en volkere klaar wetteloos en onbeheersd in waansin kom en
gaan. Hulle sal maak en breek net soos wat hulle wil. Maar met
mure vanuit die natuur sal Ek ŉ veilige vesting vir My
uitverkorenes bou.

Openbaring 133
Gesig oor edelgesteentes
Maandag 3 Oktober 2007
www.nuutsteopenbaringevanjudithdebeer.co.za

Judith de Beer
In ŉ gesig het ek die volgende gesien: ŉ Pragtige vroulike
diamant-kroon was uitgestal op ŉ bloedrooi fluweel lap.
Dit het sterk aan die Engelse kroonjuwele herinner.
Skielik was die kroon weg. In die plek daarvan het
korrels pikswart rot mis die lap vol gelê.

Hierna het ek ŉ baie ou profeet met ŉ spierwit baard
en hare voor ŉ delwers huisie in die omgewing van
ons dorpie Ottoshoop sien sit. Sy voete was in ŉ
kommetjie water, hy het opgestaan en die water in
die rigting van ons buurdorp Lichtenburg geskiet.
Onmiddellik het daar ŉ boompie opgekom wat binne
sekondes tot menshoogte gegroei het. Die boom se
blare was van die fynste kristal en hy het lieflike vrugte
van edelgesteentes gedra.

Openbaring 134
Pasop vir slimpraatjies en tekens.
3 Oktober 2007 10:00
www.nuutsteopenbaringevanjudithdebeer.co.za

Judith de Beer
Soos die manne onder die leiding van Gideon moet julle nou
uiters waaksaam wees omdat satan sy gruwelike hoof in julle
rigting gedraai het en sy sig nou vol op julle gerig is.

Slu sal hy daarin poog deur middel van ŉ besonderse begaafde
persoon wat hy in julle midde sal probeer bring, om julle met
slimpraatjies en allerhande tekens te mislei om sodoende
verwarring en verdere onmin onder julle volk te kan bring.

Die rigters wat Ek sal aanstel om die rigting vir My volk aan te dui
sal manne van inbors wees wat uit julle eie geledere sal kom en
wat My en My volk se belange ŉ geruime tyd al op hulle harte dra.

Openbaring 135
Babilon se heerskappy gaan val.
4 Oktober 2007 3:00
www.nuutsteopenbaringevanjudithdebeer.co.za

Judith de Beer
Babilon se heerskappy gaan val op land en see. Daar is niemand
wat dit kan keer. Menig man se wingerd het sy vir haarself begeer.
Oor elke land wou sy met koninklike gesag regeer. Geslagte lank
het sy suiwer bloed voor haar uitgejaag. Eeue lank het sy haarself
in ander se skatte behaag. Met baie bloed is haar heerserskleed
rooi gekleur. Alles wat suiwer is gaan haar die rug toekeer.

Esau het geen God na wie hy hom kan keer, maar Juda sal weer
vir Benjamin absorbeer. Engeland se koningin word nou voor haar
eie hof gedaag vir haarself het sy geskep ŉ grote plaag. Reeds is
haar land deur menig vyand geïnfiltreer. Jesebel, daar is baie wat
op jou bloed gaan teer. Effektebeurs en handelaar gaan hardop
oor jou ween .Al jou rykdomme is vir ewig daarmee heen.

Openbaring 136
Geweldige emosionele onstabiliteit.
4 Oktober 2007
www.nuutsteopenbaringevanjudithdebeer.co.za

Judith de Beer
Moet julle nie daaroor verwonder dat satan huidiglik intensief
op sommiges van julle fokus nie. Daar is sekere geeste onder
julle wat ondenkbare tye gelede deur My gekies is om ŉ sekere
taak as ŉ praktiese toets in hierdie tye te kom voltooi. Sou
hierdies slaag sal dit vir hulle beteken dat hulle sal kan deurdring
tot nuwe skeppings, dimensies en wysheidsdieptes wat vir die
menslike verstand en begrip onmoontlik is om te kan begryp.

Hierdie geestelike beliggaamde mense sal hierdie proses in die
vlees as ŉ geweldige emosionele onstabiliteit ervaar waar dit
vir hulle sal voel asof hulle die een oomblik berge kan versit net
om die volgende oomblik ŉ gevoel van geweldige mislukking te
ervaar.

In hierdie stadium moet dit vir hulle baie belangrik wees om met
liggaam, siel en gees alles in die stryd te werp omdat ook satan
in hierdie tye as teenvoeter vir hierdie hoogsontwikkelde
dienende geeste sy onverbeterlike helgeeste as prinse van die
duisternis daargestel het om as teenvoeter vir My engelgeeste te
dien en hulle te verhoed om die baie verswakte mense van hierdie
tye by te kan staan. Daar is niemand volmaak behalwe Ek nie.

Ook by hierdie ontwikkelde geeste is daar altyd nog ruimte vir
verbetering waaraan daar in die ondenkbare tye wat kom
oorgenoeg tyd voor sal wees. So was dit ook die geval by die
voorloper onder hierdie geeste wat reeds vantevore sy weg
oor die aarde as My voorloper gegaan het.

Johannes die doper het met sy vorige proefloop oor die aarde die
fout begaan deurdat hy in My, as die seun van die Mens getwyfel
het. Vanuit die gevangenis het hy ŉ student na My gestuur met die
volgende vraag; "Is U waarlik Hy". Dit nadat hy getuie was van die
ontvangs van My Goddelike Gees.

Daarom sê Ek aan julle, bied My julle harte as woning aan sodat
julle My as ŉ permanente Inwoner onder julle deeglik kan ken en
julle My daarom maklik sal herken wanneer Ons van aangesig tot
aangesig sal ontmoet.

Openbaring 137
Die tyd van sewe donderslae.
6 Oktober 2007 12:00
www.nuutsteopenbaringevanjudithdebeer.co.za

Judith de Beer
Daar is niemand wat Ek in hierdie tye van die Waarheid sal spaar.
Nog altyd het My Woord na alle kante oopgeslaan. Goed of kwaad
daar waar Ek my Woord inslaan is dit bedoel om tot suiwering
skoon te bloei. Daar waar die kwaad nie wil wegvloei sal die mens
deur ŉ bose wond die ewige verderf ingaan.

Die sewende seël se stilte word verbreek. Die tyd en stem van
sewe donderslae het aangebreek. As oordeel sal hul oor die
wêreld spreek, na vele bliksemstraal en donderweer sal na die
sewende donderslag My Genade in oorvloed op My uitverkorenes
neer reën.

Dit wat bitter is sal Ek uit die maag wegwas. Soet soos heuning
sal My Woord oor My pasgebore baba gaan. Aan My Waarheids-
bome sal Ek nou die opdrag gee. Ook aan hul die mag verleen.
Dit wat hulle in My Naam sal spreek dit sal My engele oor die
aarde oopbreek. Met ontblote swaard sal hul met My Woord
boosheid en kwaad tot in die afgrond afbreek.

Al doen die wêreld wat om hul in die aardse stof neer te slaan
deur My olyfbome sal Ek die weg na My hemele vir baie oopbaan.

Openbaring 138
Die valse woord van 'n illusie Jood.
7 Oktober 2007 8:00
www.nuutsteopenbaringevanjudithdebeer.co.za

Judith de Beer
Met My laaste feesmaal was daar oorvloedig van My
lewegewende Brood, maar menig het verkies om te
eet van die wêreldse dood. Eeue lank het hul geëet van
die valse woord van ŉ illusie-Jood. Armoedig en groot
is nou die wêreldse geestelike nood. Met voete van lood
keer menig siel hom nou na sy ewige dood.

Maar ŉ loflied sal daar eenparig vanuit Sion opklink, daar
is niks meer uit die wêreld wat hul kan lok en wink. Aan My
heilige wyn het hulle hul vol gedrink. Van My eie tafel is daar
vir hul in oorvloed geskink. Heilig, heilig sal hul stemme vir
ewig opklink, Heilig sal hul gesigte vir baie volkere blink.

Openbaring 139
Die bedelaarskleed uit slegte gewoontes.
8 Oktober 2007 9:00
www.nuutsteopenbaringevanjudithdebeer.co.za

Judith de Beer
Dit wat hier gesê word het nie betrekking op die werklik
behoeftige nie. Vandag spreek Ek tot die onder julle volk
wat uit slegte gewoontes die bedelaarskleed julle eie
gemaak het.

Dit is maklik om die vinger na die wêreld en veral na My te
wys en in selfbejammering daarop aanspraak te maak dat
alles en almal julle in julle ellende skuld. Maar selfsugtig
dink julle nie eenmaal daaraan dat die een voor wie jy
bakhand staan baie maal deur dieselfde beproewinge as
jy moet gaan. Met baie moeite moet hy sy eie stryd oorwin.

Sy swaarverdiende loon die moet hy nog onbaatsugtig met jou
deel sodat jy jou in jou graf kan indrink. Deur middel van sluwe
sielkundige lis maak julle graag van ŉ armsalige "Lasarus beeld"
gebruik. So word daar op jou broer (volksgenoot) se gewete
gespeel. Dit maak jou niks beter as ŉ geslepe rower nie. Die een
wat nog ŉ helpende hand na julle uitsteek word agteraf bespot
en vir sy domheid uitgelag.

Duidelik word daar in die Skrif geskryf; dit wat jy aan die armes
gedoen het dit het jy aan My gedoen. Maar nêrens word daar
geskryf dat ŉ dronkaard en dwelmslaaf in sy kwaad gesterk
moet word nie. Onder julle is daar hoogs begaafde mense en
almal het Ek met vele talente toegerus, maak daarvan gebruik.

Met My hulp en ŉ bietjie deursettingsvermoë kan enige probleem,
ook verslawing, oorkom word. As deel van My uitverkore volk sê
Ek ook aan julle dat die tyd min is en in baie swaar tye gaan julle
volksgenote nie oor die vermoë of die tyd beskik om hulle eie wa
sowel as julle s'n deur die drif te kan trek nie.

Openbaring 140
Slim het sy eie baas gevang.
9 Oktober 2007 5:00
www.nuutsteopenbaringevanjudithdebeer.co.za

Judith de Beer
Wêreldwyd neem versteurde weerpatrone momentum aan. Oor
kontinent en vele land gaan daar ŉ sware doodstank hang. Met
hernieude krag gaan oorstrominge en hittegolf oor die wêreld
gaan. In Asië gaan baie land onder modder vergaan. Orals gaan
daar rook rondhang. Veld en bos, dorp en stad, op menig plekke
gaan die Aarde brand.

Tussen Wêreldorde en eiebelang sit ŉ leier vreesbevange
vasgevang. In ŉ pyplyn in Afrika is ŉ polisie staatsgreep
aan die gang. Verblind deur goud en glans het slim sy eie
baas gevang

Openbaring 141
Die liefdelose balk van oordeel.
10 Oktober 2007 6:00
www.nuutsteopenbaringevanjudithdebeer.co.za

Judith de Beer
Menig skrifstudent beskou hulself as die volleerde antwoord op
alle wysheidsvrae en van hul wil Ek graag weet: Wat maak van
jul die uitsondering om julself bo julle medemens te wil verhoog,
wat op hul manier hulle weg na My probeer vind. Wie of wat gee
die een mens die reg om hoogmoedig en in grootheidswaan, ŉ
oordeel oor ŉ ander se geloof en liefde vir My, uit te wil spreek.

Aan hierdie baie slim skrifgeleerdes onder die mense, wat My
weer, net soos hulle voorgangers van tweeduisend jaar gelede,
netjies uit hul pad, met hulle sogenaamde skrifkennis wil stoot,
om hulself sodoende op My Regterstoel te kan verhoog, om
vandaar hul oordele oor "sondaars" te kan uitspreek wat My
in die liefde van hulle harte wil aanbid, aan julle sê Ek weer,
dat Ek sal woon in elke sondaar hart waar Ek in liefde welkom
is. Wie is daar onder julle wat My dit, met sy vele wette en
skrifkennis gaan verbied.

Haal daarom eers die liefdelose balk van oordeel uit jul eie oog,
sodat julle self siende kan word en so ook die ware weg na My
hemele kan vind, voordat jy jou broer, met jou hoogmoedige
oordele en liefdelose instruksies, op ŉ ewige dwaalweg wil bring.

Aan My geliefdes sê Ek, dat Ek elke kosbare kind van My
persoonlik ken, wat altyd in deemoed, water van liefde op
die gloeiende kole, in julle hittige en soms hatige debatte
gooi. Ja, salig is hierdies, omdat dit julle is, wat My nuwe
Aarde gaan beërwe.

Openbaring 142
Satan as ‘moderne verlosser’
11 Oktober 2007 07:00
www.nuutsteopenbaringevanjudithdebeer.co.za

Judith de Beer
Satan is huidiglik besig om in die glansryke gedaante van ŉ
moderne verlosser nader te staan. Onder die "vaandel" van
die sogenaamde "super intelligente hervormers”, tree hy nou
lagwekkend na vore, om sy eie sorgvuldig-aangepaste, maar
uitgediende kerkleerstellings weereens te kom hervorm. Ja,
dit wat vir baie jare as valstrik vir die Christendom gedien het,
maar nou weer uitgedien is.

Met sy eenwêreldorde in sig, het die tyd vir satan gekom om
sy eenwêreld-godsdiens, verwelkomend vir almal oop te gooi
en willekeurig word alle leerstellings nou weer deur hom
herformuleer. Reeds verblind, aanvaar menig kerklidmaat
sonder enige teëstribbeling Lucifer se nuwe leer. Elke
afgod en geloof, word met erkenning en liefde in die
Christendom geakkommodeer en onder ŉ eenwêreld-
godsdiens word alle gelowe onder een dak geabsorbeer.

Die mens wat tog so graag as slim wil deurgaan, knik hul
hoof dom in erkenning saam en knielend lê hul, hulle
kosbare erfenis en geloof in die valse verlosser, ja, die
versoeker se skoot. Hoe hard satan ookal probeer om
My geboorte, kruisiging, asook My opstanding, verdag
te maak, EK IS, en bly die enige, enkele, suiwer Goddelike
Identiteit, wat met My Menswording ŉ suiwer voorbeeld
en leer na die Aarde gebring het.

Nadat Ek ŉ volledige suiwering oor hierdie bose wêreld gaan
bring, sal dit weereens slegs die suiwer Waarheid wees wat
vas soos ŉ rots, ewig oor alles en almal, sal bly staan.

Openbaring 143
Groot gaan wees die nood.
12 Oktober2007 10:00
www.nuutsteopenbaringevanjudithdebeer.co.za

Judith de Beer
Groot gaan wees die hongerdag, wat op die hele wêreld wag.
Nêrens gaan daar ŉ kind wees wat uitbundig lag.
Honger gaan daar menigeen, na brood vanuit die hemel smag.
Weemoedig gaan engeleskare die mens betrag,
wat in ellende en wanhoop diep versmag.

Groot gaan wees die mens se honger en sy nood,
in vullishoop gaan ŉ waardige mens rondkrap vir ŉ stukkie brood.
Doelloos gaan daar menigtes rondloop.
Nêrens gaan daar wees ŉ bietjie hoop.
Met geld sal niemand iets kan koop.
Van alle waardigheid is elke een gestroop.

In ŉ donker en onheilspellende nag,
gaan satan hardop vir die mensdom lag.
Meewarig gaan hy hul op en af betrag,
terwyl hy spottend vra na al hul aardse prag.
Tevrede gaan hy uitkyk oor sy goeie jag.
Vele siel gaan daar onder sy donker mag versmag.

Waansinnig sal die handelaar nog steeds wil koop en verkoop.
Ewig is daar niks wat hom tot wysheid toe kan noop.
Oral waar die honger saam met die dood rondloop,
daar probeer die handelaar vir oulaas nog sy siel verkoop.

Openbaring 144
Met ŉ omkoopplan.
13 Oktober 2007 7:30
www.nuutsteopenbaringevanjudithdebeer.co.za

Judith de Beer
Met ŉ omkoopplan, staan menig land gereed, om die politieke
winde in hul eie guns te maneuvreer. Maar wêreldwyd gaan
regerings die een terugslag na die ander in hul eie binnekringe
en geledere ondervind. Meedoënloos vir ŉ Judasloon, gaan
amptenare mekaar uit hul pad uit stoot.

Wêreldwyd is daar weinig mense oor wat in patriotisme nog regtig
iets vir hul eie lande voel en gaan dit net daarom, om die inhoud
van hul eie sak te vergroot. Met omkoopgeld het menig vyande
mekaar se lande met hul eie pionne geïnfiltreer.

Kernwapens word vooropgestel om die aandag weg te keer.
Met ŉ goed beplande biologiese plan, staan lande van die
Noorde klaar gereed om Israel en sy bondgenote in Europa
aan te val. Omvêrwerping en sluipmoord is aan die orde van
die dag. Irak wil na eie keuse ŉ regering oor homself aanstel.

Openbaring 145
In ŉ bloedige helput.
14 Oktober 2007
www.nuutsteopenbaringevanjudithdebeer.co.za

Judith de Beer
Die Goddelike beskerming waaronder die mense van Suid-Afrika
daagliks gaan, word deur baie as vanselfsprekend aanvaar. Aan
diegene wat met bravade en ŉ blasé houding dink dat onluste
en oorlog bloot ŉ vae onwerklikheid is, wat slegs op andere van
toepassing is en ook dat dit iets is wat nooit met hulle in hulle
gemaksone gaan gebeur nie.

Aan hierdies wil Ek graag sê: "Julle sluimer in ŉ gekkeparadys
en in ŉ bloedige helput gaan julle skielik ontwaak". Geskiedenis
het die manier om homself telkemale te herhaal en vir baie eeue
lank is bloedige konflik op hierdie kontinent aan die orde van die
dag.

In bykans elke Afrikaland was daar nog altyd die een of ander
vendetta tussen Wit en Swart aan die gang en binnekort gaan
die bodem van Afrika haarself weer met die bloed van haar
bewoners vol drink.

Openbaring 146
Die ‘ou man van Afrika’.
15 Oktober 2007 8:00
www.nuutsteopenbaringevanjudithdebeer.co.za

Judith de Beer
Net soos wat dit baie lank gelede geprofeteer was, het alle lande
reeds oor die Aarde heen "vrede" geskreeu, waar daar geen vrede
was. Net soos wat die ou man van Afrika se gesondheid besig is
om weg te kwyn, so sal die valse vrede oor die horison van Afrika
verdwyn.

Daarmee saam sal daar nêrens oor die oppervlakte van die wye
wêreld heen, meer ŉ enkele vredes-liggie skyn. In skrik en bewing
sal die bewoners van die Aarde dit angstig uitroep in hul pyn. In
wanhoop sal die massas hul daarheen haas, waar satan chaoties,
in sy volle heersers-gloed nou skyn.

Openbaring 147
Goddelose onsin die wêreld ingeploeg.
16 Oktober 2007 10:00
www.nuutsteopenbaringevanjudithdebeer.co.za

Judith de Beer
Praat en nogmaals praat is al wat die mensdom deesdae wil doen.
Menig mens wil van die oggend tot die aand na die sinnelose klank
van hulle eie stemme luister. Met nimmereindigende groot maar
leë woorde in doellose lang toesprake en gesprekke, lei die
politikus en kerkleier die mens willoos aan hul neuse rond.

Om boonop by alles wat heilig is te sweer, is onafgebroke besig
om in hulle midde te gebeur. Dwase wat van die oggend tot die
aand onsin uit wil braak, is die leiers wat oor die ganse mensdom
waak.

Met tonge waaruit leuens en bedrog voortdurend drup, waaruit
geen waarheid ooit kan kom, word hulle ewe dom navolgers, oor
die ewige afgrond gestoot. Daarom sal dit nou weer wees, soos
wat die woord van toeka spreek.
Goddelose onsin het die wêreld ingeploeg. Die vrug van sy eie
leuens en bedrog gaan die mens nou oes. Hulle eindelose gepraat,
sal in die rumoer van oorlog ondergaan.

Openbaring 148
Verstands- en geestelike ingesteldheid.
17 Oktober 2007 7:00
www.nuutsteopenbaringevanjudithdebeer.co.za

Judith de Beer
Indien die mens die vermoë sou besit om homself, waar ookal, in
die ruimtes te kon bevind, sou dit wees asof hy homself maar net
weer op ŉ vreemde wêreld bevind. Sou hy sy oë na die hemele
opslaan, sal daar nuwe ruimtes en heelalle voor sy oë oopgaan.
So sal dit vir ewig aangaan.

Ewig sal die mens alle ruimtes kan deurkruis, maar nooit sal hy
kan sê: ek het die hemel gevind waarin God homself bevind.
Omdat dit ewig onmoontlik vir die fisiese mens was, is of ooit
sal wees, om die Godheid in die ewige ruimtes op te spoor en
hy daarom vir "bewyse" homself nog altyd op ander se "hoorsê
woord" moes verlaat, het Ek die mens tegemoet gekom en Myself
as Lewe op die aarde kom vertoon.

Ja, slegs in die bewuswording en die lewe self, kan die mens My
vind. Nog altyd was daar twee groepe mense, waarvan die een
groep die liggaamlike verstandsmense is. Deur middel van logika
en verstandelike vermoëns, gaan hulle vanuit ŉ riglyn en in ŉ
raamwerk vir hulself ŉ logiese beeld van hul God opbou.

Waar die tweede groep, wat meer geestelike ingestelde mense is,
met hul liefde en hul hoop daarin gaan poog om vir My ŉ woning
in hul harte te bou, om My so in hul geloof met hulle eie lewe te
omvou. In hierdie lewe, waarin die ware lewe ontwaak het, kan so
ŉ lewende siel nooit weer in die dood ontslaap nie en is dit slegs
hierdie volmaakte lewe wat oor die vermoë beskik, om vanuit die
materiële ewighede, in die lewende hemele oor te gaan.

Openbaring 149
Deur hulself ŉ oordeel gevel.
18 Oktober 2007 05:30
www.nuutsteopenbaringevanjudithdebeer.co.za

Judith de Beer
Terwyl daar oral gerugte van oorlog sal wees en van menige
kataklismes wat die mense in die media lees, sal die kennis
weereens die liefde versaak. By baie sal My Gees heeltemal
ontbreek. Stene vir die profete sal daar in oorvloed wees en
so sal die skrif in die eindtyd hom as ŉ oordeel self herhaal.

Terwyl die koninkryk van God naby sal kom, sal die skrif-
geleerde seuns, weer net soos hulle oer voorvaders, dieselfde
Godslasterlike woorde spreek en beweer; met Beëlsebul en
bose geeste se hulp geskied God se wil. Deur hulself is ŉ
oordeel gevel en oor duisende jare heen sal pa en seun,
mekaar se regter wees.

Geslagte lank is daar geprofeteer, eendag sal God vanuit
die mond van sy heilige volk regeer. Die wat My opreg in
hul harte begeer, aan hulle sal Ek verleen, hierdie grote eer.

Openbaring 150
Die verskil tussen genade en liefde.
19 Oktober 2007 06:00
www.nuutsteopenbaringevanjudithdebeer.co.za

Judith de Beer
In ŉ volmaakte wêreld sou genade oorbodig wees, omdat genade
die praktiese uitoefening van deernis is.

Deernis word op haar beurt uit die sagte gloed van liefde gebore.
Dit is liefde wat meelewing met alles het wat in onvermoë en
wanhoop spartel.

Neem as voorbeeld ŉ moeder wat in barensnood in angs haar pyn
uit kreet en Ek haar in genade en met Liefde te hulp snel. Ook die
nuwe aankomeling, wat in asemnood sy koms uit kreet, sal Ek met
My Liefde en Genade op sy moeitevolle lewenspad bystaan.

Die mens kan egter nie net genade ontvang nie, hy moet ook leer
om dit self met praktiese liefde aan ander uit te deel. Om hierin
te kan ontwikkel, word die mens op vele maniere daarin geoefen.
Hierdie lewens oefeninge kom meestal in die onaangename vorm
van teleurstellings, wanhoop of siektes, en weer is dit hier waar
Ek die mens met My Genade dra.

Ook wat die mens se geestelike groei aanbetref, gaan dit soms
moeilik. Deur baie trane, val en weer opstaan kom Ek die mens
in sy geloofstryd tegemoet. Wat maak die een mens beter as die
ander, dat hy bloot op die meriete van My Genade gered sal word,
terwyl biljoene ongelowiges sonder My Genade vir ewig in die hel
moet ondergaan.

Daar is bykans nie nog ŉ land of bevolking, wat nie op die een of
ander manier al van My gehoor het nie en wat My nogtans deur die
vryheid van hul eie keuse verwerp. Indien Ek hul met My "Genade"
gelowig sou maak, sou dit dwang en nie My Liefde wees, wat hul
na My sou bring.

Die lewe en geloof is een voortdurende stryd en met My Liefde
en genade kan enigeen wat wil, as ŉ oorwinnaar uit die stryd uit
tree. Net soos wat Ek in ongekende Liefde, My Genade kosteloos
aan jul uitdeel, net so moet julle weer julle liefde en genade,
prakties en onbaatsugtig aan ander uitdeel.