Untitled Document

Heelwat lesers ondervind probleme met die Openbaringe blad. ŉ Moontlike
oplossing mag wees om Mozilla Firefox of Google Chrome soekenjins te gebruik.

              judithdebeer@webmail.co.za



Judith de Beer is gebore in Baberton op 20-05-1958.
Sy het grootgeword as die dogter van ‘n spoorwegwerker
en beleef ‘n stormagtige en rebelse jeug. Sy druip haar
standerd 6 jaar op skool en sluit haar skoolloopbaan later
met ‘n praktiese sertifikaat af. Met geen akademiese agtergrond
nie is die enigste beroep wat sy ooit beoefen dié van huisvrou.
Haar belangstelling is om vanuit rommel iets bruikbaars te skep.
Sy ontvang vanaf 30 Mei 2007 die Innerlike Woord.

Judith de Beer is ’n eindtyd-boodskapper wat onder geen leiding van enige
menslike denkrigting staan of aan enige organisasie, instansie, sekte of
kerk behoort nie. Sy ontvang geen donasies of vergoeding van enige aard
nie en daarom mag geen openbaring deur haar ontvang- hetsy dit op die
internet, in boek- of traktaatvorm is, onder enige omstandighede verkoop
word nie. Heeltemal gratis word dit vanuit die Gees ontvang en heeltemal
gratis word dit as waarskuwing en bemoediging in hierdie tyd deurgegee
waar elke leser dit met behulp van die onderskeidingsgees kan ondersoek.

Openbaring 501
Net ŉ valse alias.
Dinsdag 25 November 2008 09:15
www.nuutsteopenbaringevanjudithdebeer.co.za

Judith de Beer
In die vorm van ŉ lig engel staan verleidend die eindtyd-draak.
Oor die wêreld kom misleidend sy bose spraak.
Soetvloeiend spruit teen God sy bose wraak.
Alles wat heilig is word tot terrorisme afgekraak.
Teen alles wat suiwer is bring hy uit- sy bitter braak.
Die suiwer Woord word nou tot niks afgekraak.
Valse verlosser, valse vredevors, valse messias.
Onder elke voortreflike valse naam, bly hy net ŉ valse alias.

Deur Mammon en met geld praat hy nou na elk se smaak.
Listig lispel hy; ek kom oor die wêreld se geld nou waak.
Groot wonderwerke gaan ek nou doen vir die finansiële saak.
Legioene van demone wat nou uit sy mond soos paddas kwaak.
Sy eindtydtroepe begin hy nou oor die wêreld bymekaar te maak.
As ŉ Babelse bende kom staan menigtes vir die satan se saak.
Valse verlosser, valse vredevors, valse messias.
Onder elke voortreflike valse naam bly hy net ŉ valse alias.

Met die merk van die dier laat hy God se kinders naak.
Spottend is daar geen hof wat gaan luister na hul saak.
Om hul te vernietig is die duiwel se eindtyd prioriteitsaak.
Maar vas in hul geloof moet My kinders op My koms nou waak.
In alle ewigheid sal Ek nie een van hul ooit versaak.
Van voor die grondlegging is hul gekies
om te kom staan teen die bose se saak.
Valse verlosser, valse vredevors, valse messias.
Onder elke voortreflike valse naam bly hy net ŉ valse alias.

Heilige engele het Ek gestuur om oor My kinders te waak.
Migael is hier om neer te werp- die eindtyd draak.
Geen bose hand gaan in vernietiging aan ŉ verseëlde raak.
Vir ewig stuit Ek satan in sy gruwelspraak.
So vinnig soos weerlig kom hy tot ŉ einde in sy bose wraak.
Die poel van vuur word vir ŉ gruwelwêreldorde en sy antichris
gereed gemaak.
Valse verlosser, valse vredevors, valse messias.
Onder elke valse voortreflike naam bly hy net ŉ valse alias.

Openbaring 502
Bose verlokkings-influisteringe.
Dinsdag 25 November 2008 20:55
www.nuutsteopenbaringevanjudithdebeer.co.za

Judith de Beer
Vraag: Wat is die invloed van hekse(ry) op die 'missiedraers’
van God en die kinders van die Lig.

Antwoord: Selfs nie die Seun van die mens was gevrywaar of
gespaar van die verlokkings-influistering van die bose nie. En
net soos wat dit die geval is met enige mens wat op hierdie
aarde gebore is en wat met ŉ volkome vryheidswil toegerus
is, waardeur hulle willekeurige keuses kan maak en daarom
blootgestel is aan goeie sowel as kwade influisteringe of
prikkels. Net so geld dieselfde vryheidswet vir die van
bo-gebore geeste en ook die missiedraers.

Geen persoon wat die okkulte of enige vorm van heksery
beoefen, het egter die outoriteit of mag om enige verseëlde
of missiedraer se lewe of omstandighede op die een of ander
manier te beïnvloed of te benadeel nie.

Daarteenoor het veral die missiedraers die volle outoriteit
om enige negatiewe krag in My Naam te bestraf en daardeur
heeltemal onskadelik vir alle aardse doeleindes te stel. Waar
die toets van versoeking oor die lewenspad van een van
bogenoemdes kom moet hulle hulself in volle vertroue
na My wend en Ek sal hulle met dieselfde krag waarmee
Ek die satan in die woestyn teengestaan het toerus.

Openbaring 503
In die raaisel staan die Waarheid.
Donderdag 27 November 2008 12:00
www.nuutsteopenbaringevanjudithdebeer.co.za

Judith de Beer
In ŉ brokstuk van die ewigheid se oneindige tyd. Is ŉ
koerantberig se nuuswaardigheid kortstondig ewig verby.
Maar ŉ enkele Woord afkomstig van My, se tyd gaan ewig
nooit verby.

Oor elke heilige Woord wat kom van My, daaroor kan elke
reine gees hul in saligheid oor verbly. My Woord was, is
en sal ewig in volle Waarheid oor al My skeppings staan.
In die raaisel sal die Waarheid voor elke gees kom staan.
Wonderbaarlik in die gelykenis, is dit net God se kinders
wat dit werklik kan verstaan.

Hierdie hemel en ook hierdie aarde sal op hul tyd verby
moet gaan. Maar ewig sal My Woord oor alle eons as die
enigste Wenner bly staan. ŉ Bose woord was en is nog
altyd net ŉ illusiewaan. In die poel van vuur gaan dit
ewig in vergetelheid vergaan.

Openbaring 504
ŉ Volksverhaal.
Donderdag 27 November 2008 16:45
www.nuutsteopenbaringevanjudithdebeer.co.za

Judith de Beer
Menig mens het as kind die verhaal geken van ŉ sekere Rip van
Winkel. In sy geheue het daar plaasgevind die een of ander nare
kinkel. Eendag in ŉ veld vol vinkel het iemand hom met iets baie
snaaks besprinkel. Vir menig jaar het van die toneel verdwyn
hierdie ou skerminkel.

Na dekades het ŉ vreemdeling in dieselfde land verskyn in sy
hand had hy ŉ oeroue droë bossie vinkel. Van deur tot deur het
hy geloop na elke liewe drumpel. Wie hy was kon niemand- nie
eers hyself na soveel jare uit bewimpel. Desperaat wou hy weet;
bly ek sonder identiteit, huis en haard nou vir ewig simpel. Dit
was die heeltyd niemand anders as dieselfde ou Rip van Winkel.

Voor die einde van ŉ lang millennium was daar baie kinders vir
die uitverkore volk gebore. Voor hul eerste kreet was hul deur
omstandighede, ja, deur hul ouers, klaar verlore. ŉ Behoorlike
opvoeding in God se naam was hul ewig nooit beskore. In die
geheue van hul gees was hul kronieke nooit gestoor na behore.

Maar by die wêreldsisteem se verhoë moes hul sonder keuse
heelvoor sit in die gehore. Hul Goddelike geheue en identiteit
het hul verloor in die land van die Moore. Binnekort tree hul
nou na dekades, desperaat en moedeloos na vore. Hul soek
en vra; ons kom van die land van die Moore, maar heeltemal
anders as hulle is ons as vreemdelinge in hul midde gebore.
So sonder ons kronieke en ons herkoms, voel ons nou ewig
so verlate en ook verlore.

Openbaring 505
Die gewyde stilte in die hemel.
Vrydagoggend 28 November 2008
www.nuutsteopenbaringevanjudithdebeer.co.za

Judith de Beer
Terwyl die satan spottend teenoor My kinders smaal.
Neerhalend vra; wanneer kom jul Verlosser jul nou haal.
Vir tweeduisend jaar wag die volkere vir Hom om uit die
wolke neer te daal. Tartend wil die duiwel weet; het jul
God jul dalk nie gefaal. Kyk, die hele wêreld aanbid die
goue 'Baäl'. Vir elke wêreldkind voorsien hy elke dag
van ŉ lekker sondemaal.

Terwyl die bose tog so lekker spot en smaal. Trek die
gruwels al hoe swaarder op die oordeelskaal. Die boek
van Openbaring is stadig besig om die wêreld fyn te maal.
Die perd van afgryse verskyn nou dikwels op die horison,
grys en vaal. Die dood sit in ŉ menslike geraamte grynsend
in die saal. Hy galop van die een land na die ander om baie
vir die dood te haal. Die spotter se spot gaan binnekort oor
homself nou smaal. Klaar het die gewyde stilte in die hemel
neergedaal. Binnekort val daar oor die wêreld ŉ gevaarlike
grote oordeelskaal.

Openbaring 506
"Dit is die tyd van die insameling"
Sondag 30 November 2008
www.nuutsteopenbaringevanjudithdebeer.co.za

Judith de Beer
Oor die heelal kom die klank van heilige engele wat roep:
“Dit is die tyd van die insameling”. In ŉ boodskap van
oordeel maar ook ŉ boodskap van hoop kom die eindtyd
tyding. Maar tussen hierdie twee uiterste pole lê daar so
baie noodsaaklike wrywing.

Soos ŉ veldbrand hardloop hierdie boodskap oor die aarde
in elke moontlike verspreiding. In menig familiebloedband
kom daar nou verdrietige skeiding. Edelheid kom tot volmaakte
suiwerheid, herhaaldelik deur die smeltkroes van reinigings
lyding.

In die materiële lokstem lê vir die wêreldgesinde die ewige
verleiding. Maar vir die volgeling van die Waarheid en Lig
lê ewig die weg van bevryding. In ŉ nuwe verbond lê die
teken van die geestelike besnyding.

Ewig sal hierdies staan in Sy heilige Melgisedek priester-
verordening. Draers sal hul wees van die heilige ark van
alle Goddelike insettinge. So, bring oor die wêreld die
langverwagte blye tyding. Nie ver van nou, maak God
op ŉ gereinigde aarde Sy heilige verskyning.

Openbaring 507
ŉ Enige Koningskap.
Maandag 1 Desember 2008 20:00
www.nuutsteopenbaringevanjudithdebeer.co.za

Judith de Beer
In haat en nyd wil die mense die heeltyd oor die waarheid stry.
So min is die wat hul oor My nog opreg verbly. In ŉ tyd wat die
bose al wat leef en beef gaan onderkry. Ja, in ŉ tyd wat die
engele die heiliges bymekaar moet kry. In hierdie tyd is dit
wat broers in haat en twis die heeltyd met mekaar wil stry.
Omdat elkeen homself, selfs in hierdie erge tyd heel bo-aan
die ranglys wil kry.

ŉ Mensekoning wou die heilige volk met mag en mening
vir hulself verkry. Baie swaar het die uitverkore volk nog
altyd onder hierdie juk gely. Deur duisend geslagte het
soveel hierdie koningspos vir hulself beny. Deur hierdie
selfde strewe het Lucifer homself ook tot die grootste
val gekry. Maar in hierdie tyd is dit weer hy wat om die
koningskap ten koste van ŉ hele wêreld baklei. Maar
binnekort sal elke mond op hierdie aarde bely; die
Koning van alle konings het gekom om Sy kinders
ewig bymekaar te kry.

Openbaring 508
'n Skouspel van die hemelliggame.
(sien ook Openb. 362 (a) Vrydag 20 Junie 2008)
Maandag 1 Desember 2008 21:30
www.nuutsteopenbaringevanjudithdebeer.co.za

Judith de Beer
Die maan en sterre sal in ŉ reguit lyn kom staan.
So het Ek maande gelede in ŉ openbaring kom vermaan.
Eenkeer in ŉ miljoen jaar sal daar open- ŉ dimensionele laan.
Oor die aarde sal engele met hul skale kom staan.

Duisende jare gelede is daar deur die heilige skrifte vermaan.
In die tyd van die einde sal daar oor die hemelspan
in die sterre vir die mens baie wondertekens kom staan.
Daarom is dit in die vorm van ŉ skaalbak
wat die maan tussen twee stergewigte kom staan.

Kyk na die eenkant toe het gekantel die aarde se enigste maan.
In hierdie skouspel van hemelliggame se distansie-waan.
Gaan menigtes in die toekoms stort- ŉ baie bitter berouvolle traan.

Openbaring 509
Geskiedenis en uitleg van die oergeeste.
Dinsdag 2 Desember 2008 15:00
www.nuutsteopenbaringevanjudithdebeer.co.za

Judith de Beer
Vraag: Wat is die verskil tussen ŉ van bo-geborene en ander
geeste asook ŉ missiedraer en hoe ken ŉ mens die verskil.
Het almal nie skuld aan die oersonde gehad nie?

Antwoord:
Van voor die grondlegging van die aarde het Ek jou by die
naam geken en dit geld vir elke lewende siel, wat beteken
dat voor die ontstaan van enige sonne sowel as planete
of enige ander hemelliggaam, was alle geeste reeds volledig
in hul wese sowel as hulle getalle deur My geskape.

Wat die sondeval met dit wat daaruit voortgespruit het betref,
kan dit onder twee groepe gegroepeer word. Eerstens was
daar die sondeval van Lucifer, die oorspronklike ligdraer;
(die verdorwenheid van die gees deur die opstand) waarby
ŉ derde van die oergeeste betrokke was.

Ten tweede was daar die sondeval van die Adam;
(die verdorwenheid van die vlees deur die versoeking.) en wat
die sondeval was wat tot gevolg gehad het dat alle mense op
hierdie aarde in oersonde gebore en ontvang is.

In My alomvattende Liefde en regverdige genade wat nog altyd
daarop gemik was en soos wat dit uiteengesit is in die gelykenis
van die verlore seun en waar daar voorsiening gemaak word vir
die vrywillige rehabilitasie en terugkeer van enige gevallene of
sondaar na hul Vaderhuis, word daar ook aan die einde van
hierdie gelykenisverhaal melding gemaak van die reaksie van
die sondelose oudste seun nadat hy die blye weersiens en die
hartlike ontvangs waargeneem het wat daar plaasvind elke keer
met die terugkeer van ŉ gevalle sondaar.

Behalwe vir die versekering dat alles wat aan My behoort ook
hulle volwaardige eiendom is, het Ek dit ook aan hierdie volmaakte
geeste toegestaan om ook in volle vryheid die weg van die vlees
oor die aarde te kan gaan om sodoende die toets te kan deurstaan
om nie net as volmaakte dienende geeste nie, maar ook as
volwaardige Goddelike kinders huiswaarts te kan keer.

Omdat hierdie suiwer geeste nie deel gehad het aan die eerste
geestelike groot sondeval nie, het die Goddelike verseëling hul
te beurt geval waardeur hulle deurentyd tydens hulle aardse
bestaan, onwetend die volle beskerming van die Heilige Gees
geniet en daarom is hulle name voor die grondlegging van die
aarde in die boek van die lewe neergeskryf.

In hierdie tyd is daar onder hierdie van bo-gebore geeste ook
dienende geeste van ŉ baie hoë orde wat ŉ proeftydperk deur
die materie voltooi waardeur hulle terselfdertyd diensbaar vir
My gaan wees in hierdie laaste fase van die einde van hierdie
tydvak.

Hulle is die missiedraers waarvan sommige van hulle alreeds
as ou profete, leviete, apostels en dies meer die weg van die
vlees een of selfs meer kere oor die aarde gegaan het.

Meeste van hulle dra ŉ sterk vermoede en ondervind ŉ sterk
drang na Goddelike diensbaarheid binne hulle self. Met die
volle neerdaling van My Gees op die regte tyd in hul harte,
sal elk van hulle tot volle ontwaking en daardeur sy volle
wasdom kom.

Openbaring 510
Die sport afgod.
Donderdag 4 Desember 2008 07:00
www.nuutsteopenbaringevanjudithdebeer.co.za

Judith de Beer
Wee die een wat beweer dat Ek My goedkeuring vir die mens
sal gee om voor die sportgod te kan buig. Oor menig jare kom
vanoor die hele wêreld vanuit stadiums ŉ oorverdowende gejuig.
Voor sport en spele is dit wat die mens so baldadig tekere gaan
en buig. Grootdoenerig en blasé- 'ek is ŉ god' so is dit wat sport
oor homself getuig. So is menig mens van sy geloof in My
heeltemal leeg gesuig. Voor sportstadions, "sportbars"
en ook sport TV staan die ondersteuners van hierdie god
getrou in hulle tuig.

Ook in hierdie volk word daar van vroeg tot laat, jaar na
jaar, voor hierdie god gebuig. Terwyl die applous dreunend
en magtig oor die sportvelde druis het droewig die Heilige
Gees saggies en tevergeefs in die harte van sportliefhebbers
gesuis.

Terwyl die adrenalien en opwinding baldadig deur die wese
van sportliefhebbers druis en terwyl almal daarna smag om
in vermaak eufories te kan lig hul oorwinningsvuis. Was
daar so min in hierdie opwindende tyd wat bereid was om
in te skuif onder My lydingskruis.

Die een wat hom hieroor uitgespreek het was in die oë van
sport aanhangers net ŉ eenvoudige muis. In ŉ tyd wat Ek in
hierdie wêreld in Woede die sonde voor My Oë gaan vergruis
gaan die applous om sportvelde verander in ŉ jammerlike
droewige geruis.

Die mens gaan vind sy sportgod was ondergeskik aan Mammon
net ŉ bloedsuiende luis. Menigtes van hierdie afgodedienaars
gaan My soek en vind Ek is nie vir hulle tuis. Die bitter sportbeker
gaan in die poel van vuur vir ewig wees, baie se onuithoudbare
kruis.

Openbaring 511
Steeds sien die mens nog niks.
Vrydag 5 Desember 2008 13:00
www.nuutsteopenbaringevanjudithdebeer.co.za

Judith de Beer
Om die verseëlde boek se sewe seëls te breek is dit die Lam
wat nou nader staan. Sewe kandelare kom eerbiedig voor hul
Skepper staan. Sewe engele kom tot reiniging nou wydsbeen
oor hul domeine staan.

Dit is die gebede van die heiliges wat soos reukwerk na God
se troon opgaan. Lank genoeg is die mensdom oor en oor
nutteloos vermaan. Sewe basuine gaan die oordeels-weg tot
ondergang oopbaan.

Sewe donderslae, weerlig en groot aardbewing gaan daar oor die
aarde gaan, deur hael en vuur gaan ŉ derde van die groen natuur
vergaan. Nog steeds kan die wêreldling hierdie dinge nie verstaan.

So sal ŉ engel van die dood oor die sewe oseane gaan. ŉ Derde
van alle lewe en ook die skeepvaart sal vergaan. Nog steeds laat
die mens hom deur niks of niemand oor die komende oordeel
vermaan.

Is dit vullis wat soos ŉ fakkel brand, gaan dit oor die groot riviere
van die aarde gaan? Die son, maan en sterre sal in ŉ reguit lyn
van sewe kom staan. Met ŉ duisternis gaan hul die mens
wanhopig kom vermaan. Maar die mens sal glo alles is in
sinsbedrog-net die een of ander illusiewaan. Stadig maar seker
verdroog die vloei vanuit die genadekraan. Verdrietig val daar
oor ŉ engel-wang die heel laaste traan.

In genade het die Goddelike getal van sewe nog altyd oor die
mens gestaan. Maar in sewe gaan die oordeel nou oor die hele
wêreld gaan.

Openbaring 512
Politiek gaan sy tol begin eis.
Vrydag 5 Desember 2008 19:00
www.nuutsteopenbaringevanjudithdebeer.co.za

Judith de Beer
In staatsie staan daar in oneer in die nabye toekoms
ŉ baie belangrike persoon se kis.
Oor die afsterwe van ŉ grote politikus
hang daar ŉ geheimsinnige raaisel in ŉ brutale deinserige mis.

Wat die werklike oorsaak van die skielike dood is,
daaroor kan die stamme en volkere maar net gis.
Iemand word gevang in ŉ baie fyn beplande lis.
In die politieke waters swem ŉ gevaarlike vreemde vis.
Vinnig hierna volg nog en nog ŉ lyk in ŉ kis.

Openbaring 513
Die Boervolk se geskiedenis en hul taal.
Sondag 7 Desember 2008 08:00
www.nuutsteopenbaringevanjudithdebeer.co.za

Judith de Beer
Op ŉ tyd het Abraham met sy vrou Sarah na Egipte vertrek.
Angstig het die Farao hom met sy eie dogter as geskenk laat
weg trek. Vir sewe jaar en nog sewe jaar het Jakob vir Lea en
Ragel gewerk. Daar het ŉ tyd gekom dat hy van sy skoonpa
Laban se grond moes vertrek.

Na ŉ worsteling met God is hy met die naam van Israel tot seën
vir die volkere gemerk. Die tyd het gekom dat Jakob met sy
huishouding na die landstreek van Gosen moes vertrek.

Vir jare en nogmaals jare het Israel as slawe en vreemdelinge vir
ander gewerk. Maar vanuit hierdie verdrukking het God hul na die
beloofde land toe laat vertrek. Maar in hul sondige aard had hulle
aan die Waarheid ŉ groot gebrek. Tot reiniging moes hulle vir
veertig jaar in die woestyn rondtrek.

Na baie eeue en vele geslagte moes tien van die twaalf stamme
uit die beloofde land wegtrek. As wilde nomades het hul roetes
oor die hele Europa gestrek. Hierdie lande het hul met hul erfenis
van seën tot fyn beskawings opgewerk om net weer na duisend
jare onder die hand van hul verdrukkers as Protestante weg te
trek.

So het van hul kinders oor die roetes van die see na die onderpunt
van Afrika getrek. Hul het die land anderkant die riviere van Kus
met Goddelike seën en voorspoed kom bewerk. Hulle verskillende
tale was in een houer gegooi een taal was weer vir God se kinders
daaruit getrek. Oor die nuwe aarde sal hierdie taal wees- die
toekoms se nuwe gesprek.

In haat en nyd het Esau die eersgebore seën oor Jakob weer
opgemerk. In vervolging en verdrukking het Engeland gekom
om die Boervolk se seën met geweld na hom toe te trek. Met
min besittings maar hope seën het hierdie volkie ŉ wilde nuwe
woesteny weer betrek.

Seën op seën het gereën oor hul en hul nuwe plek en raai, nog
ŉ keer raak die duiwel toe heeltemal berserk en besluit die tyd
het weer gekom vir die uitverkorenes om vir hom soos slawe te
werk.
Maar daarmee saam het die tyd gekom en God het Sy kinders
se trane opgemerk. Binnekort sal baie van hul na tydelike veilige
vestings in hul eie landstreek vertrek. Vanoor die hele wêreld sal
hul heilige broers na hul vir veiligheid toe trek.

In hierdie tyd sal as teken die rook opgaan van elke valse
sataniese kerk. Soos die Israeliete van ouds sal elkeen val wat
staan onder Baäl se leuenagtige merk. Terwyl die hoer van Babilon
se rook oor die hele wêreld sal trek sal in ŉ wolkkolom die huis
van Israel hul genade en Seën weer opmerk.

Vir oulaas maar ewig sal die heilige volk ophou om te trek. Ja,
My heilige volk sal vir ewig by My in My nuwe Jerusalem intrek.

Openbaring 514
Die manier om kinders op te voed.
Maandag 8 Desember 2008 09:15
www.nuutsteopenbaringevanjudithdebeer.co.za

Judith de Beer
Met ŉ ryk verbeelding moet kinders op die wolke kan sweef.
Speel-speel moet ŉ kind homself kreatief uit kan leef. Om ŉ
volmaakte kind van God te wees, moet hul ouers hul leer om
deurentyd na te streef.

Goddelike integriteit moet mens vroeg-vroeg in die kind se
karakter inweef. Na standvastige eerlikheid moet elke jonge
kind na streef. Aan die Woord van God moet elke jongeling
homself met liefde kleef, voor die standvastige ouerlike
gesag moet elke liewe kind met die nodige respek kan beef.

Om sy weg in vryheid na God te vind moet die kind weet dít is
waarvoor hy op die aarde leef. Ja, met ŉ ryk gesonde verbeelding
moet kinders op die wolke kan sweef. Speel-speel moet ŉ kind
homself kreatief as ŉ volwaardige kind van God op hierdie aarde
uit kan leef.

Openbaring 515
Opregte nederigheid is mees waardig.
Dinsdag 9 Desember 2008 10:00 (Sien Openb. 36)
www.nuutsteopenbaringevanjudithdebeer.co.za

Judith de Beer
In die groeipyne van die eindtydgeeste sukkel hulle met die
stand van hul ordes die heel meeste. Hul poog na die Goddelike
eienskap wat is die mees merkwaardigste. Hul wis nie dat dit die
een is wat is die mees verdraagsaamste.

In hul soeke na die mees opwindende Goddelike uiterstes
vind hulle in valse lig dikwels die mees kwaadaardigste. Hul
soeke swerf nou oor die hele wêreld op soek na die heel
magtigste. Hul vind in die skynbare magtigheid dikwels die
heel boosaardigste.

Op moedverloor se vlakte bevind hul hulself in die
nederigheid van die heel kleinste. Hulle vind dat in die
toppunt van Goddelikheid skuil in die opregte nederigheid
altyd die mees waardigste.

Openbaring 516
Tweespalt en bitter blaam.
Woensdag 10 Desember 2008 00:30
www.nuutsteopenbaringevanjudithdebeer.co.za

Judith de Beer
Die tyd het gekom vir die volk van gelofte om nader aan mekaar te
staan. Die tyd het gekom om van hul weg te werp die tweespalt en
die bitter blaam. Ja, die tyd het gekom vir die edelbloed om weer
sy man te kan staan. Vanuit die gruwelmodder sal ŉ handjievol
mense weer tot My uitverkore volk opstaan.

Nimmereindigend het Ek gepraat, ook geraas en telkemale het Ek
kom vermaan. Die tyd het gekom en met ŉ Gideonsbende sal Ek
die sonde ewig kom verslaan. In oordeel op oordeel sal die hele
wêreld My wel die een of ander tyd moet verstaan.

Verwilderd in elke windrigting draai op ŉ stukkende as, elke
Baältoring die mensgemaakte weerhaan. Harig soos ŉ goiingrige
sak raak toe werklik die vol- sowel as die sekelmaan. Hoe lank
hink julle op twee gedagtes, sal Elia weer die volk kom vermaan.
Is dit agter Baäl of die God van hemel en aarde wat jul gaan staan.

Een vir God teen vierhonderd en vyftig sal die gemeentelede vir
die satan kom staan. Wyd is die verdoemenisweg wat na satan
en die hel heen gaan. In Hades gaan ewig val menig tevergeefse
berouvolle traan. Nou is die poort en so smal is die weg van die
lieflike hemellaan. Aan die einde daarvan so pragtig die glans van
die Verlosser wat verwelkomend daar staan.

Sy Majesteit en Goddelike Krag wat strek oor die hele hemelspan.
Oneindig die hemelskares wat jubelend voor hul God nou staan.
Hosanna, hosanna vir elkeen wat as oorwinnaar na Hom stap oor
die goue hemelbaan. Engele wat in verrukking stort- ŉ
vreugdevolle traan. Die tyd het gekom vir die volk van gelofte om
nader aan mekaar te kom staan. Ja, die tyd is hier om van hul weg
te werp die tweespalt en die bitter blaam.

Openbaring 517
Verwyder alle bitter blaam.
Donderdag 11 Desember 2008 09:30
www.nuutsteopenbaringevanjudithdebeer.co.za

Judith de Beer
Jy worstel met ŉ vraagstuk oor die bitter blaam. Jy wil weet of
almal as ŉ eenheid nou saam moet staan.

Maar Ek antwoord jou:
Vir die wêreld en sy kind is alles na die maan. ŉ Oordeel het hul
vir hulself geskep en dit is waaronder hulle nou gaan staan. Te
laat het Judas besef as ŉ verraaier staan hy heeltemal alleen
onder sy eie blaam. So soog ŉ monster wêreldmoondheid die
kind wat het sy vir haarself gekraam.

Maar onder die heiliges moet hul verwyder die heel laaste bitter
blaam sodat hulle as die eersgeborenes kragtig saam kan staan.
Nie onder ŉ wet nie maar deur die liefde moet hul in hul Goddelike
bloedlyn as broers bymekaar kan staan. Jul moet ophou om
mekaar die hele tyd beterweterig te wil vermaan. In twis en
tweedrag het My apostels mekaar met harde woorde geslaan.

Stil het Ek met die nederige waskom van diensbaarheid tussen
hulle as voorbeeld gaan staan. In jul geskiedenis was tot jul
voortbestaan in ŉ veldslag die vyand deur ŉ handvol mense
verslaan. Aan jul kant het Ek as jul God die hele tyd gestaan.

Hierdie kleine kudde van My het in liefde vir mekaar soos een
man saamgestaan. Daarom is dit dat Ek julle in hierdie krisistyd
dringend kom vermaan. Indien julle in jul volksvaders se gelofte
voor My Heilige Troon wil kom staan moet jul in eensgesinde
liefde soos ŉ enkele man voor My Aangesig kom staan. In hierdie
verstandhouding gaan Ek en julle mekaar baie beter verstaan.

Openbaring 518
Visioen van 'n enorme storm.
Vrydag 12 Desember 2008
www.nuutsteopenbaringevanjudithdebeer.co.za

Judith de Beer
Ek het op drie verskillende geleenthede ŉ gesig gehad van ŉ
enorme storm, wat ooreengestem het met ŉ verwoestende
sikloon of orkaan. Die landstreke het ooreengestem met die
van Afrika onderkant die ewenaar en dit het baie gelyk soos
Mosambiek en van sy buurlande.

Openbaring 519
Sion se langverwagte nuwe lied.
Vrydag 12 Desember 2008 14:30
www.nuutsteopenbaringevanjudithdebeer.co.za

Judith de Beer
Vanuit Sion ontspring daar ŉ oorwinnings jubellied.
Ons Koning kom en Sy Wil
gaan nou oor die oneindigheid geskied.
Sy verlossing kom Hy aan elkeen van Sy kinders bied.

Kom sing, O’ Sion, jou langverwagte nuwe minnelied.
In ŉ ontploffing van kleurespel gaan daar sterre verskiet.
Die tempel, ook die altaar word nou uitgemeet met ŉ riet.
Na ŉ kort tydperk verdwyn alles wat onrein is ewig in die niet.
Vanuit die edel koringkorrels word verwyder al die onsuiwer miet.

Honderd-vier-en-veertigduisend sing voor die troon hul nuwe lied.
Hul hart en siel- hul hele wese is wat hul aan hul God nou bied.
Daar is geen satan wat hul ooit weer kan verbied.
Om hul vryheidsliefdeslied
oor alle ewighede en heelalle te laat geskied.

Ewig, ewig is die ewige afgrond tog so diep.
Droewig klink van hier die gevallenes se verlore lied.
Verskriklik het die oordeel ewig oor hul geskied.
Die weg na saligheid word hul hier vir ewig verbied.
Maar vanuit Sion ontspring daar ŉ oorwinnings jubellied.
Ons Koning kom en Sy Wil gaan nou oor die nuwe aarde geskied.

Kom sing O’ Sion, sing jou langverwagte nuwe lied.
Vertel aan die hele oneindigheid wat het God om hul te bied.

Openbaring 520
Elke arbeider het sy taak.
Saterdag 13 Desember 2008 09:45
www.nuutsteopenbaringevanjudithdebeer.co.za

Judith de Beer
Deur hul vrye wil laat profete hulself vir die goeie saak uitverhuur.
As beloning ontvang hul My Liefde wat Ek in oormaat na hulle
stuur. Boodskappe van oordeel maar ook van hoop bring hul as
genesingskuur. Hul is nie gestuur om dood te kom slaan elke klein
opstandige vuur. Maar hul het gekom om aan te blaas die Oordeel
van die Reinigingsvuur. Hul is gestuur om te kom breek die valse
bindende tempelmuur.

Predikers het Ek in hierdie tye as leraars na die aarde gestuur.
Hulself het hul vrywillig as apostels aan My uitverhuur. Om die
stampe en stote terwille van die goeie saak met blydskap te
kom verduur. Met die Blye Boodskap moet hul die duiwel se
saak kom versuur. Om die heilige kudde moet hul in veiligheid
trek die ondeurdringbare Liefdesmuur.

So het Ek in hierdie tye ook organiseerders na die aarde gestuur.
Dienend sal hul as leiers kom arbei in hierdie krisistyd tydens hul
lewensduur. So het Ek ook troosters en genesers tot heil vir die
uitverkore kinders in hierdie dae gestuur. Waaksaam en
hulpvaardig sal hul in die verte na elke horison toe tuur. Vinnig
sal hul die nodige hulp na elke uitverkorene van My toe stuur.

So word daar in My wingerd op verskillende tye verskillende
werkers gehuur. Daar is party wat moet snoei en ander word met
die mandjie vir die oes uitgestuur. Daar is die wat die dooie takke
moet versamel vir die vuur. Om die parskuip te trap word ander
werkers weer voor gehuur. Aan die einde van die dag word
dieselfde loon vir almal uitgestuur.

Die profeet word verbied om homself oor die loon van die laaste
arbeider te versuur. So moet elke arbeider nie in naywer met die
ander werkers in wrywing sy skouer kom skuur.

Openbaring 521
Die wet in alternatiewe smet.
Sondag 14 Desember 2008 0:700
www.nuutsteopenbaringevanjudithdebeer.co.za

Judith de Beer
Gerieflik leef die mensdom in die raamwerk van die wet. Met sy
tiende vrywaar hy homself van alle sondesmet. In die stilte van
hul Sabbatsrus is daar baie wat hul gewete sus. Een uit sewe dae
word met mag en mening onderdruk die sondelus.

Jy mag nie begeer nie, word die mens streng geleer. Maar onder
die naam van besigheid en handel hoef jy jouself glad nie te
beheer.

Geen valse getuienis mag jy oor enige iemand uitspreek. Maar
daar is baie ander maniere waarop jy jou op jou vyande kan wreek.

Vermy die leuen en hou suiwer en rein elke gesprek. Maar spysig
en keurig hou ons elke gesprek en almal skiet met spek.

Voor My Aangesig mag jy vir jouself bring- geen ander gode.
Maar eerbiedig buig die gemeentelede hulself voor hul sinode.

Weer word daar vermaan om geen gesnede beelde te maak. Maar
van alles het die mens vir homself ŉ afgod gemaak. Eerbiedig buig
hy hom voor die slang en draak.

Die Naam van jou enige God mag jy nie ydellik gebruik. Maar om
die eie standpunt te bewys word Sy Naam vir alles misbruik.

Om die vader en ook die moeder te eer is daar deur baie eeue en
geslagte vir die mens geleer. Maar deesdae is dit die ouers wat
hul bose sondige telge moet eer.

Deur die wet word die mens van moord verbied. Maar onder die
vaandel van politiek mag dit in hierdie land, veral teenoor blankes
maar geskied. So onder die gerieflikheid van die ‘heilige’ sowel as
die staat se wet bedrieg die mensdom hulself deurentyd met die
alternatiewe smet.

Openbaring 522
Die maatkom raak nou vinnig vol.
Sondag 14 Desember 2008 23:30
www.nuutsteopenbaringevanjudithdebeer.co.za

Judith de Beer
Vir die eindtyd-oordeel hou die wêreld hom so blind soos ŉ mol.
Terwyl die pyl van oordeel nou sekuur trek na sy kol. Die tyd van
die maatkom raak nou vinnig vol. Stadig maar seker begin die bal
nou te rol. Wie is daar wat hierdie aksie kan laat stol. Oral begin
die satan se goedgesmede planne nou te lol. Waarheen gaan
regerings in noodtoestande nou heen kan hol.

Die engele blaas die basuine en oor die wêreld klink dit: Die
eindtyd kom! Vanuit elke windrigting word die edel-oes versamel-
ja die totale som. Dom staan die wêreldling oor al hierdie gebeure
heeltemal verstom. Oor en weer dreig regerings mekaar met ŉ baie
gevaarlike bom. In hierdie tyd is daar vir geen enkele graf meer ŉ
traan of ŉ blom.

In selfverbittering roep ŉ verlore mensdom nou hoopvol na Hom.
Maar op hul Here! Here! Is dit nou hul eie eggo wat hol na hul toe
terugkom. Hul wis die verleier was ŉ verskeurende wolf- as ŉ
skaap vermom. Oor hul eie onkunde staan hulle nou heeltemal
verstom. Hul liefde was aan die dooie materie van Mammon
vasgegom.

Ja, die tyd van die maatkom raak nou vinnig vol. Klein is die
Klippie wat dodelik van die berg begin afrol. Hy nader Sy teiken
om dit sekuur te kan tref in die kol. Wie gaan daar oorbly om te
kan bereken wat was die dood se tol.

Openbaring 523
'n Opsommende toekomsblik.
Dinsdag 16 Desember 2008 08:30
www.nuutsteopenbaringevanjudithdebeer.co.za

Judith de Beer
In ŉ helder oomblik van ŉ toekomsblik kyk ek verbaas om my
heen. Ek sien mense, wees gelaat verslae geskok tot in hul diepste
murg en been. Oor ŉ gebroke verpletterde wêreld kyk die laaste
mense droewig om hul heen. Waar vind hul genoeg vog vir al die
trane om oor soveel ellende te kan ween. Al die dorpe ook die
stede, ja, die beskawing is verwoes en afgebreek tot op die heel
laaste steen. Deur die toedoen van satan is vir hierdie tydvak
verwoes, al die aarde se ryklike seën. Nêrens kan die aarde tot
vertroosting ŉ bietjie genade vir haarself iewers heen van leen.

Verwoestend in die laaste stormwinde is dit haar klaaglied
wat droewig oor haar oppervlakte teem. Waar, O’ waar is al
my biljoene kinders in hul ellende en hul dood nou heen.
Terwyl die aarde so eensaam en verdrietig oor haar eie
lyding ween, kom toon die uitverkore oorlewendes hulself
aan haar, elkeen een vir een.

Die goeie Skepper stuur oor haar oppervlakte troostend helend
nuwe reën. Blymoedig raak sy werksaam en omskep al die
verwoesting en rommel weer in nuwe vrugbare leem. Oor die
aarde se hemelliggaam ontspruit ondenkbaar baie nuwe vrug
van seën.

Kinders word gebore en op die nuwe aarde vir ŉ heerlike
Goddelike toekoms gespeen. O’ hoe vrolik is die hergebore
aarde nou in haar nuwe heerlike seën. In die helder oomblik
van my toekomsblik is dit ek wat in vreugde nou saam met
haar ween.

Openbaring 524
'n Antwoord op Johannes 21.
Woensdag 17 Desember 2008
www.nuutsteopenbaringevanjudithdebeer.co.za

Judith de Beer
Het die honderd-drie-en-vyftig visse van Johannes 21 ŉ letterlike
of ŉ figuurlike betekenis?

Nimmereindigend sal elke aksie wat om die Verlosser afgespeel
het tydensSy lewe op aarde vir ewig in ondenkbaar baie fasette
tot die verlossing van die totaliteit tot in alle ewigheid uitkring.
Daarom het die vraag oor die vangs van die 153 edelvisse wat in
Johannes 21 vers 11 afspeel, letterlik sowel as figuurlik betrekking
daarop asook ŉ oneindige belangrike rol om te speel.

Openbaring 525
Die Waarheid en die kerkmense.
Donderdag 18 Desember 2008 07:00
www.nuutsteopenbaringevanjudithdebeer.co.za

Judith de Beer
Bekommerd is daar mense wat in hierdie tyd hul hoof oor baie
onsekerhede breek. In wroeging is daar mense wat die heeltyd
die waarheid nou wil weet. Waaraan moet ons ons heil, geloof
en sielemaatstaf deesdae meet?

Hoe heftiger die predikers in hierdie tyd desperaat vir ons wil
preek. Hoe meer wil ons hul woorde aan ons eie maatstaf en
die Waarheid meet. In ons soeke laat die kerke ons met hul
holrug geryde woorde in die steek. Ons vind in ons harte
is U in die Waarheid in die kern van ons allerheiligste versteek.

Maar die Wêreldraad van kerke poog daarna om elke mens
te onderdruk tot ŉ stomme leek. In verveling hou hul aan om
dieselfde rympies oor en oor te preek. Soetsappig hou hul die
'gelowiges' met hul onsin swak en week. Maar in ŉ krisistyd
laat hul- hul afhanklikes vinnig in die steek.

Maar in rebellie is daar ŉ paar wat besig is om die Waarheid met
liefdesgeweld oop te breek. Die brood van Lig en Wysheid kry hul
nou stewig tot hul redding beet. Vreesloos laat hul binnekort al die
kerkleerstellings dringend weet. Die brood van Waarheid word nou
kosteloos vir almal wat honger is gebreek. Onder jul oordeelklippe
kan jul ons gerus maar steek. Die hout vir brandstapels kan jul by
die hope ook maar breek. Ons is hier om as God se soldate ons op
jul leuens te wreek.

Hoekom lyk die satan tog so skielik bleek? Waarom laat die krag
van sy groot getalle hom ook skielik in die steek. Babilon se
oordeel kom nou vinnig, die groot gemeentes raak nou vinnig
swak en week. Die kerkleerstellings se bindende kettings word vir
duisende mense nou stukkend gebreek. Die lig van die Waarheid
is besig om soos ŉ skone oggend in baie se harte tot hul ewige
genesing oop te breek.

Openbaring 526
Die Vader of die kerk?
Vrydag 19 Desember 2008 10:00
www.nuutsteopenbaringevanjudithdebeer.co.za

Judith de Beer
Indien ŉ mens die goedversorgde maskers van gesigte kon aftrek
sou menigeen tot sy verbasing en skok die volgende gruwels
opmerk. Die hele hel is in al sy fasette op die aarde en in die mens
neergewerp. Elke bose eienskap word deur die politiek vir ŉ hel
hier op aarde in alles ingeskerp.

Willoos en swak word die mensdom voorberei om hul in hierdie
drek in af te trek. Daarvoor word gebruik die kamma kerk van lig
om die hardste hieraan te werk. Om sodoende hul
eenheidsboodskap soetsappig oor die hele wêreld te laat trek.

Elke godsdiens, kleur en geur is welkom om onder die dak van
Christenskap in te kom trek. Hoe dom is die mens wat sy liefdes
lojaliteit in plaas van om God, om sy wêreldgesinde kerk te loop
trek. ŉ Gevaarlike gees het in die gedaante van die valse engel
van lig in die sogenaamde "huis van God" ingetrek.

Daarom het die Heilige Gees homself van al hierdie smetlike
gruwels onttrek. Maar vrygekoop deur die bloed van die Lam
word nou in die hart van Sy opregtes gevestig Sy enigste blyplek.
As ŉ uitgediende rowersnes van onrein gruwels word die kerk vir
die duiwel nou ŉ onbruikbare plek.

Daar kom ŉ tyd en soos ŉ onbruikbare item is dit die kerk wat by
die agterdeur uittrek. Ja, vir die wêreldpolitiek word die wêreldkerk
met ŉ vervaldatum nou van die geloofsrak onttrek. Saam met elke
ander geloof word dit nou tot ŉ mensgemaakte eenwêreldgod
beperk.

In hierdie tyd sal satan in woede My Goddelike stempel op die
heilige voorhoofde van My uitverkore verseëldes opmerk. Hy
sal vind sy eie duisternis is besig om hom benouend weer na
sy onverganklike gevangenis af te trek.

Die tyd raak kort en Ek vra aan elk; vir wie is dit wat jy kies, is
dit vir My, of is dit dalk jou kerk.

Openbaring 527
Die Aarde, haar maan en Saturnus.
Sondag 21 Desember 2008 09:00
www.nuutsteopenbaringevanjudithdebeer.co.za

Judith de Beer
In skuins stappie hardloop die aarde vir ontelbaar baie jare om die
son in haar wentelbaan. Vasgevang in haar eie kleine wentelbaan
hardloop die maan maar gewillig en geduldig om die aarde saam.
Maar in ŉ poolverskuiwing gaan die aarde iewers in haar toekoms
uiteindelik leer om parmantig regop te kan staan.

Baie wyer gaan die maan nou ook eendag in haar wentelbaan weg
van die aarde kan staan. So gaan haar eie swaartekrag nader en
digter om haar eie oppervlakte kom staan. In haar eie atmosfeer
gaan daar haar eerste eie traan van vog om haar ontstaan.

In die verre toekoms sal die maan vir die ontvangs van eerste lewe
nou nader aan haar Skepper staan. So sal die liewe maan nou ook
haar eerste ontwikkelingstydvak al is dit ook hoe primitief, kan
binnegaan.

Ook Saturnus sal met die knip van ŉ naelstring ŉ paar van haar
kinders in vryheid as ŉ onafhanklike hemelliggaam op hul eie
wentelbaan om die son laat gaan. Wie is daar wat die kragte van
die hemelliggame in God se skepping ooit werklik sal kan
verstaan.

In jou eie onkunde wil jy nou van My weet of hierdie aksies
spontaan en rustig gaan ontstaan. Maar skrikwekkend kom die
antwoord voor jou staan: In geweldige atmosferiese kataklismisse
gaan die geboortes van die nuwe wentelbane ontstaan.

Openbaring 528
Selfgesentreerde hoogmoed en eieliefde.
Dinsdag 23 Desember 2008 13:00
www.nuutsteopenbaringevanjudithdebeer.co.za

Judith de Beer
In die selfgesentreerde hoogmoed van die mens sal menigeen
die volgende maklik kan opmerk. Vir die Ware Woord van God
toon bitter min mense deesdae enige waardering of respek. So
alwetend soos ŉ god spreek menigeen oor homself, ja, so
redeneer die opgeblase ‘eie ek’.

Maar hul vergaar hulself vinnig daar waar die Gees besig is met
Sy ware opregte gesprek. Om sodoende die aandag van die ware
soekers na hulself te kan trek. Op menig preekstoel staan die
valse kamma-man van God as die meneer perfek. Ontlasting word
deur baie gemeentes as pêrels opgelek.

Massas word getrek na die valse profete se verhoog van
toneelspel en valse drek. Op die Internet poog elke tweede gek om
homself as die beste skrifkenner op te kan trek. As ŉ hoogheilige
wil hul tog so graag iewers laat; hul eie identiteit se merk.

Met die eie ek is die mense besig om die goeie werke van God teë
te werk, omdat hul eieliefde die heeltyd besig is om in ŉ sirkel na
hulself toe terug te trek. In die ware liefde is daar so min wat hul in
nederigheid tot die Goddelike deemoed wil beperk.

Maar deur middel van die Heilige Woord is daar baie wat hulself in
hoogmoed bokant die wet van die gemiddeldes wil optrek. Al sou
Ek in My Goddelike gedaante nou tussen die mense intrek sou
daar baie wees wat bo-op My sou klim, om sodoende die mense se
belangstelling in hul eie persone te kon opwek.

My opregtes waarsku Ek om hul deur die Gees van onderskeiding
van hierdies te onttrek. As nuttelose wolke, ja, skandvlekke wil hul
altyd deel wees van die Goddelike gesprek. Uit hul selfsug en
hebsug sal hul poog om die hele tyd voordeel uit julle te trek.
Maar soos die uitbraaksel van ŉ hond sal hul eie gespreekte
woord hulle na hul eie selfgeskepte hel aftrek.

Openbaring 529
Mammon en sy verrotte roos.
Woensdag 24 Desember 2008 07:00
www.nuutsteopenbaringevanjudithdebeer.co.za

Judith de Beer
Satan lag en spottend hou Mammon vir die mensdom ŉ pikswart
verrotte roos. Al wat leef en beef raak wêreldwyd nou werkloos. In
resessie kry die mensdom depressie en almal raak nou swak en
moedeloos.

Troosteloos van oor die hele wêreld kom die klank; ons is bankrot
en sente loos. Oral is die ekonomie swak en die mensdom is
raadop breekbaar en baie voos. Deur rente op rente is ons
bankrot en raak ons nou huis- en haweloos.

Onstabiel raak ook die gesinstrukture nou swak en baie broos.
In ons wanhoop raak ons finansieel waaghalsig en ook baie
roekeloos. Maar satan lag en spot en draai sy rug op Afrika se
honger kroos. Asië roep hy toe; ook vir jul stuur ek die hongerloon
en dit is heeltemal kosteloos.

Menig banke vou ek toe en bankrot skryf ek op elke doos. Vanuit
Israel raak die wêreldmoondhede vir die Arabiere oor die olie nou
baie boos. In die vredes-onderhandelinge is daar min oor wat die
opstekers nog kan troos. Die wêreldekonomie raak in die eerste
skynsel van ŉ wêreldoorlog al hoe meer net troosteloos.

Ja, satan spot en lag en Mammon hou vir die wêreld uit-ŉ pikswart
verrotte roos.

Openbaring 530
Nood sal ons leer.
Donderdag 25 Desember 2008 12:00
www.nuutsteopenbaringevanjudithdebeer.co.za

Judith de Beerr
Orals brand daar liggies en almal beweeg vrolik in die
kersfeesgees. In die tekens van die tye is daar reeds vele wat die
eindtyd oordele raak kan lees. Maar in ŉ tydperk van naderende
rou roep die wêreld: "Ons vier fees"!

Vanaf kersfees tot en met nuwejaar wil vriende en familie bymekaar
nou wees. In hierdie feestydperk dink baie daaraan- dit is dalk die
laaste keer. Desperaat probeer hul om geliefdes van hul opregte
liefde te leer. In hul pogings lê hul uit gewoonte geskenke onder
boompies neer. Op hul beurt ontvang hul in pakkies geskenkgawes
van hul geliefdes weer.

So probeer almal mekaar nou deur hul geskenkpakkies leer.
Dit is liefde en nogmaals liefde wat ons van mekaar begeer.
Dit is kersfees! Dit is kersfees! Roep almal hulself nou hees.
Staan nou nader! Staan nou nader! Sodat ons in wêreldse liefde
nou bymekaar kan wees. In die tekens van die tye is daar groot
onheil wat ons raak begin te lees. Miskien is dit die laaste keer wat
ons saam bymekaar kan wees.

Hul oortuig mekaar, dit is die dag, ja, die geboortedag van die
liewe Heer. Hul hoop op hierdie Mammonsdag sal God Sy gesig
in blydskap na hul liggies en hul versierde bome keer. In hierdie
euforie is dit die Waarheid wat hulle tot hul verlossing van hul
wegkeer. Hul sing vir hulself liedjies van ŉ heilige babatjie sag
en teer. Deur heidense konserte probeer hul om hul kinders van
die liefde van God te leer.

In die feestyd maak hul die Heilige Gees se hart so baie seer.
In hulle kersfeesgees gaan niemand hul oortuig om anders as
hul heidensfees te wees. Maar in die tekens van die tye gaan
die wêreld binnekort die harde feite lees.

In nood en lyding gaan die mense bid om as families nou saam
te kan wees. Droë korsies as die enigste voedsel sal die liefdes
geskenkies nou in ware opregtheid wees. In eenvoud sal families
uit die Woord van God vir mekaar nou lees. As ŉ pasgebore kind
sal Ek in die harte van die opregtes wees. Nie in kersfees nie, maar
in die ergste tye denkbaar sal Ek in jul midde wees.

Openbaring 531
Die ware verdrukker en die verdrukte.
Saterdag 27 Desember 2008 09:30
www.nuutsteopenbaringevanjudithdebeer.co.za

Judith de Beer
Die hele wêreld wag in spanning vir die nare duiwel om die
geloofsverdrukking tussen die mensdom te kom gooi. Terwyl
satan die drogleuen as die volle waarheid oor die wêreld uit kom
gooi kom staan hy as ŉ glansengel met sy witleuen in hul midde
tog so mooi. ŉ Bietjie onsuiwerheid hier en ŉ verdraaiing daar
word as ŉ geurmiddel oor die Waarheid gegooi.

Die pikswart leuen word as die spierwit waarheid oor die wêreld
gestrooi. Oral word die gemeentes deur die wêreldraad van kerke
na hierdie onvrugbare feesmale genooi. In groot getalle kom
mense saam om hovaardig saam te smul aan hierdie dooie strooi.
Deur eiemagtige politieke regstellings in die Woord van God is die
Waarheid lankal verkrag tot ŉ nuttelose hoop hooi.

Die paar draers van die suiwer Waarheid word hatig deur die
kerke met klippe van oordeel gegooi. Hierdie vervolgers as
getroue kerkgangers vou in hul miljoene hierna die handjies
selfregverdigend tog so mooi. Die tannies en die omies in die
kerke trek hul lippies sedig in ŉ heilige plooi.

Die eindtyd-verdrukkers begin om hulself in rolverdelings as die
verdrukte martelare te tooi. Hul wag vir die Kommunisme of die
een of ander gogga om hul kamma 'waarheidsbybels' weg te kom
gooi. In woede raak menigeen wat hier lees in die gesig nou
boosaardig bloedrooi. Hul skreeu: Waar is die klippe om hierdie
mal valse profeet dood te kan gooi.

In haat kyk hul nou na almal wat hulself met die kleed van
Waarheid tooi. In ontbranding begin die leuen homself in sy
ware gedaante orals te ontplooi. Wêreldwyd is dit hierdies wat
brutaal in die grootste geloofsverdrukking ooit, poog om die
laaste bietjie waarheid deur middel van hul goedbedekte leuen
onder bloedige oordeelklippe toe te gooi.

Openbaring 532
In 'n komende nuwe aardse dag.
Sondag 28 Desember 2008 07:00
www.nuutsteopenbaringevanjudithdebeer.co.za

Judith de Beer
In ŉ komende nuwe aardse dag is daar blymoedig weergebore
Goddelike kinders wat op hierdie aarde wag. Vanuit heilige
hemelwolke daal hul Verlosser in Gees in hul harte neer, so
sag. Verruklik in hul hemelse skoonheid sal menigtes van
hemelwesens in hierdie oomblik sing met engele prag. Hierdie
Goddelike glansrykheid van ŉ onvernietigbare ewige dag kom
om vir die vredestydperk te verdring die bose se ondeursigtige
nag.

Vinnig nader nou die oomblik en oor die wêreld sal verstil die
satan se onheilspellende lag. Ja, oor die hele wêreld word
verbreek die sataniese wêreld se invloed en mag. Vir die
komende vredestydperk staan gereinigde aardbewoners
toegerus met Goddelike krag. Ewig verby is die tyd waar
mens sowel as dier mekaar vir voedsel sal jag. ŉ Kleuter
sal homself met ŉ eens giftige adder vermaak terwyl hy
vrolik sal lag. ŉ Maanhaarleeu sal soos ŉ geduldige lieftallige
troetelkat by die mens se voete wag.

In boomryke woude sal die Gees van God weer soos ŉ Koel
Briesie oor die aarde trek so sag. Vanuit die geestelike realm sal
die eerste mensepaar tevrede oor die nuwe aardse paradys nou
trag. Om hulself te verlustig in die herstelde Goddelike harmonie,
die vrede, ja, die ongelooflike prag. Vir ŉ duisend jaar sal hierdie
lieflike vrede op elke inwoner van die nuwe aarde wag.

Openbaring 533
In die hemelruim van ons harte.
Maandag 29 Desember 2008 10:00
www.nuutsteopenbaringevanjudithdebeer.co.za

Judith de Beer
Nuuskierig wil die mens voortdurend weet; is ons in die heelal-
hand van God die enigste denkende lewe. Is daar nog iewers in
die oneindigheid iemand wat filosofies na die dieper betekenis
van alles kan strewe. Die menslike oog deurpriem die ruimtes in
sy soeke na ander lewe.

Vry soos ŉ arend is dit die siel wat in ŉ helder sterrenag in die
oneindigheid rond swewe. Waaghalsig is daar niks wat hom in
sy vryheidsvlug kan laat bewe. In die grootsheid van sy eie gees
voel hy oor dit wat die aarde bied nou so effens verhewe.

In sy ruimtevlug flikflooi hy en hy roep, hy fluister en hy soek,
na enige vorm van ander lewe. Frustrerend verskyn daar dikwels
ŉ wolkemis en onderbreek die blik waar dit in die ruimtes rond
swewe. Teleurgesteld is dit die mens wat homself sonder
antwoord na die binnemure van sy huis begewe.

Verdrietig fluister die awendwolkies; tevergeefs is ons geroep
om ons te kom toon as ŉ eiesoortige lewe. Saggies troos die
aandwind; ook ons het verniet as gees saggies om die mens
kom swewe. Hoogmoedig wil die mens altyd na die hoogste
pieke van die onmoontlike kennis strewe. Maar in en om homself
kan hy nie erken die hoogste vorm van alle lewe.

Maar spoedig in die aarde se toekoms sal daar mense wees wat
op die vlerke van die nimmereindige gees sal ontdek, verborge
vir die mens was daar orals in die heelal oneindig baie lewe.

Openbaring 534
O’ Vader wees ons tog genadig!
Dinsdag 30 Desember 2008 08:30
www.nuutsteopenbaringevanjudithdebeer.co.za

Judith de Beer
Daar is ŉ deuntjie wat al hoe vinniger om sy eie note gly. Die note
se refrein is; die tyd is verby, ja, die tyd is verby. In die akkoorde
kom die woorde; die mensdom gaan nou uitermatig baie ly. Hoe
hard die mensdom die feite ookal probeer vermy. Die tyd is hier
en spoedig is dit ook verby.

More is klaar reeds nou en vandag is besig om in gister weg te gly.
So min is die tyd om oor iets te huil of dalk ŉ bietjie te verbly. Die
sekuriteit van die wêreld se rykdomme is besig om uit die hande
te gly. Oor lewensmiddele gaan die mensdom spoedig bloedig
stry. In plaas van oor metaal en mineraal gaan die lande oor
mekaar se kos nou vry.

Die wêreld het genoeg van sy eie oorproduksie in onnodige
industrieë verkry. Onder werkloosheid gaan ŉ oorbevolking
in die grootste armoede nou ly. Die mensdom se gemoedere
gaan nou vinnig by kookpunt verby. Vrede, valse vrede gaan
die antichris oor die wêreld nou soetsappig bely. In
gemeenskaplike wêreldnood moet almal as broers bymekaar
nou bly. In hul hordes is daar biljoene wat saam met hierdie
gedagte wil stry. Maar in honger is dit die roofdier wat in die
mens se gemoed nou dy.

Oproerig begin die massas te muit en in onlus begin almal nou
vir hul iets van alles te kry. Hul raak moeg vir die vetgevoerde
verdedigings eenhede wat vir die veiligheid van regerings stry.
Soos ŉ golf kom die agterstes oor die voorstes se lyke gegly.
Soldate met masjiengewere kan met hul koeëls nie voorbly.
Met bloedige kaal hande is dit die honger oorlewendes wat
hul uiteindelik beetkry.

Dit is chaos op chaos wat in al hoe groter kringe oor die
wêreld uitdy. Aan ŉ maspaal in Engeland hang ŉ vrou se
lyk en iemand skreeu; dit is die koningin, ja, dit is sy! Al
hoe meer regeringshoofde begin om in die slag te bly.
Maar satan wil deur die regerings die mens van sy mag nie
bevry. Hy laat val die eerste atoombom om orde op die aarde
te probeer kry. Maar die verdedigingsmeganisme het klaar in
onbevoegde hande agter gebly.

In antwoord begin almal nou die saamgeperste kernkragte te
bevry. Oor duisende jare van nou sal ander inwoners van die
aarde in weemoed kyk na foto’s van gruwel-ontploffings van
die laaste veldslag op aarde, op ŉ lank vergete satelliet gekry.

Openbaring 535
Die lied van die uitverkorenes.
Woensdag 31 Desember 2008 10:30
www.nuutsteopenbaringevanjudithdebeer.co.za

Judith de Beer
Vier en twintig in hul getal staan nou nader die ouderling.
Gerubshande wat die Sionskind die heiligdom inbring.
Die eindtydgeeste word nou bymekaar gebring.
ŉ Loflied wil hul tot die eer van God nou sing.
Sewe geeste wat in ŉ nouer band om die Skepper kring.
Die weergeborenes word as ŉ pasgebore baba huistoe gebring.
Sion as maagdelike meisie hierdie keer die eersteling.
Hemelwagters in Goddelike lig wat die duisternis
weg van hierdies kom verdring.

Koning Melgisedek wat Hom as die Bruidegom nou nader
laat bring. Alles wat onrein is word uit die heilige voorhof
nou verdring. Gabriël en Rafael ook Uriël en Migael, vier
aartsengele wat hul voor die troon van God laat bring.
Gereinigde kontinente wat hulle as offers aan hul Skepper
bring.

Die koms van ŉ nuwe aartsengel wat die laaste kontinent
huistoe gaan bring. Die lof van die uitverkorenes, ja, die
Sions lied wat hul nou vir God saambring. Suiwer kom
die nuwe lied wat die maagdelikes vir hul hemel Vader
tot Sy eer nou sing.

Openbaring 536
Tyd is ŉ gevangenis.
Donderdag 1 Januarie 2009 12:00
www.nuutsteopenbaringevanjudithdebeer.co.za

Judith de Beer
In elke gebeurtenis en vir alles wil die mens in die tyd sy siel
verpand. Maar in die onmeetlikheid van die materiële sterre stand
hardloop onverpoos die hemelliggame van die een na die ander
kant. Ja, om en om storm elkeen voortdurend om sy eie rand. In
die wentelbaan spin elke hemelliggaam op sy eie spoed en trant.

Eentonig in sy unieke reis doen elke wentelbaan hom aan sy eie
orde gestand. Staan die een dag daarom bo die ander uit in sy
glorie stand. Wie is daar wat weet hoe en wanneer het die aarde
op sy wentelbaan om die son beland? Wanneer het die maan op
sy beurt in sy siklus om die aarde vas gestrand?

Daar is niemand wat kan bepaal hoe oud staan die ewigheid reeds
in die tyd se tand. Waarom hou die bygeloof met sekere dae tog so
ŉ sterk verband? Voortdurend op sy omwentelingsbaan verskil die
tyd op aarde tog van land tot land.

In die uurglas van die illusie se tyd hardloop van die een tot die
anderkant, eentonig altyd oor en oor tog net altyd een en dieselfde
sand. Gister en vandag stap voortdurend met mekaar hand aan
hand. Hoe dwaas die mens en wetenskap wat God se tyd wil meet
met die verstand.

Die totale beweging van die ewigheid se onmeetlike sterre stand
was ondenkbaar ewig altyd in die Skepper Elohim se hand.
Daarom hou ŉ duisend jaar met ŉ enkel dag in die ewigheid een
en dieselfde verband.

Tyd is ŉ gevangenis geskep deur die menslike verstand. Hierdeur
word aan die einde van die liggaamlike tydperk die siel aan die nie-
bestaan van die dood verpand. Maar in die eindeloosheid van die
ewigheid staan ŉ agtste ewige Sabbatdag in Sy ewige
onvernietigbare stand.

Hier het die tydelike ontstaan of die dood ewig nooit ŉ begin of ŉ
einde se kant. Laat jou daarom deur die warm Liefdesgees bring
na hierdie eindelose toestand. In hierdie tydlose ewigheid sal die
mens as ŉ Goddelike kind soos ŉ son vir God ontbrand.

Openbaring 537
Nederige deemoed van opregte liefde.
Vrydag 2 Januarie 2009 22:00
www.nuutsteopenbaringevanjudithdebeer.co.za

Judith de Beer
In ŉ wêreld wat besig is om te verrot en te vergaan is daar
miskien een uit ŉ duisend wat nog effens probeer om iets van
die Waarheid te probeer verstaan. Hier en daar is daar een of
twee wat bereid is om oor foute deur hulself begaan krities in
selfondersoek hulself dringend te vermaan.

Die res is besig om met ŉ tong van oordeel die siel van hul
naastes stukkend te slaan. satan self het met sy gruwelhordes
in haat en nyd tussen ŉ gevalle mensdom kom staan. Brutaal
en hatig kom volksgenote om mekaar te verloën, te verraai en
oor niks dood te slaan.

Selfs die kinders van God trap die een op die ander om in
selfverheerliking héél bó te kan staan. Hul mislukkings kom
lê hul voor die deur van hul broer of suster as dié se blaam.
Niemand sien meer die pyn of die wanhoop van sy naaste se
verdrietige traan.

Die wêreld se kinders is oor hul boosheid lankal reeds klaar
vermaan. Die oordeel wat op hul wag kan die meeste van hulle
immers duidelik verstaan. Maar oor die soekers van die Waarheid
wat naywerig in die weg van hul naastes se soeke staan, oor hul
laat sak die hemelwesens hul hoof en stort oor verlore broers ŉ
smartvolle traan.

In elke tydvak waar die laaste Waarheid besig is om weg te taan,
in so ŉ wêreld is alles besig om tot sy ondergang te verrot en te
vergaan. Daarom vra Ek aan die paar heiliges wat tot die einde
vir die Waarheid gaan staan, kom in die nederige deemoed van
opregte liefde voor My heilige Troon as gelykes nou saam.

Openbaring 538
My eenvoud kind.
Saterdag 3 Januarie 2009 09:00
www.nuutsteopenbaringevanjudithdebeer.co.za

Judith de Beer
O’ sondaarkind, ja verstoteling, kom vat in jou eenvoud My
Vaderhand. In die deemoed van jou hart smee Ek met jou ŉ
onbreekbare band. In ŉ moderne klasseverskil was jy deur
almal afgedruk tot die heel laagste stand. Oor jouself moes
jy jouself altyd nog net skaam, met wange wat brand. Daarom
vertel Ek aan jou ŉ ou- ou verhaal van ŉ lang vergete hoogmoed
stand.

Lank-lank gelede gebore uit die laagste eenvoudige menslike
stand. Vanuit Nasaret -so is geprofeteer- sou daar nooit iets
kom vanuit die profete-kant. Vandaar het Ek gekom en
eenvoudig tussen vissers kom staan op die strand. Op die
nederigste sondaars het Ek My Goddelike Hande in genesing
laat kom land. Oor My nederige eenvoud het die hoogmoediges
in haat vir My ontbrand.

As agterlik en nederig is Ek uitgekryt terwyl die spykers deur My
hande sou brand. Maar aan My sy hang jy aan My nederige kruis
aan die regte kant. Die een wat in hoogmoed oor jou hoon en spot
gaan ontwaak in die Hadesland. Ja, eenvoudig het My kruis op
Golgota vir die nederiges gestaan teen die aand se bloedrooi
wand.

O’ Sondaarkind, verstoteling, My eenvoud kind, met jou stap Ek
deur My nuwe Jerusalem, ewig- hand aan hand.

Openbaring 539
Die wêreldling se vertrek.
Sondag 4 Januarie 2009 08:45
www.nuutsteopenbaringevanjudithdebeer.co.za

Judith de Beer
Hoe droewig vir die wêreldling wanneer hy vertrek van sy laaste
aardse lewensdag. In die middernag van sy eerste gewaarwording
van wat ewig op hom wag. Terwyl die siel op sy nuwe pelgrimsreis
na nêrens verlore om hom trag. Wanhopig tevergeefs op ŉ liggie
vir ŉ wegwyser iewers om hom wag.

In die donker dimensie van die siel is in sy angs en erns niemand
wat nou om hom lag. Ja, in die stilte van hierdie ondeurdringbare
duisternag word daar met alles wat daar is nou na die Stem van
God gesmag. Niks as eiendom selfs geen liggaam waaruit hy
iewers vandaan kan put-ŉ bietjie krag. Hy wonder wat huisves
sy bewussyn in hierdie onmeetlike stikdonker nag.

O’ hoe hulpeloos voel die verlorene in die dood se koue eensame
nag. ŉ Siel sonder ŉ liggaam wat dra aan ŉ onmeetlike las en
sware vrag. Onoorkombaar omsluit die dood die siel met ŉ donker
duister vloeiende grag.

Selfvoldaan oorhandig satan sy prooi aan Hades na nog ŉ
suksesvolle jag. O’ Wêreldling, daar waar jy in jou lewenspel nou
plesierig vir alles om jou lag. Dink! O’ dink aan ŉ tyd wat jou siel
ewig in jou eie duisternis kan versmag. Berei vir jouself ŉ
Goddelike Liefdes lewenslamp wat lig sal bring in die tonnel
van die dood se nag.

Met die afskeid van hierdie lewe op jou aardse sterwensdag sal
jy op jou nuwe pelgrimsreis deur die ewigheid om jou vind- net
ewige lewens prag. Ook sal jy vind nog voor jy begin staan jy
klaar in God se ewige glansryke dag.

Openbaring 540
Visioen van 'n kis met goue embleem.
Sondag 4 Januarie 2009 11:10
www.nuutsteopenbaringevanjudithdebeer.co.za

Judith de Beer
In ŉ skielike visioen sien ek skielik ŉ pikswart kis ek word bang
en wil nie die inhoud sien nie. Die gesig verdwyn ek voel summier
onwaardig oor my vrees. Dit verskyn weer vlugtig en ek sien ŉ
blou lap wat tussen die deksel en die kis uitsteek, dit verander
onmiddellik in water wat soos ŉ rivier daar uitloop. Oor die
onderkant van die kis is ŉ dieprooi fluweel lap met ŉ goue
embleem daarop gedrapeer.

Openbaring 541
Die valse vredes woord "shalom".
Sondag 4 Januarie 2009 20:00
www.nuutsteopenbaringevanjudithdebeer.co.za

Judith de Beer
Vrede valse vrede roep die antichris, oor die hele wêreld is ek
aan die kom. Shalom- shalom vir die honger grond, die hoer van
Babilon kom om. Vir die val van die uitverkore saadlyn het sy vir
die valse Jodedom gekom. Die blou ster van Dawid gaan nou op
menig grafte oor die wêreld kom.

Aan die einde van hierdie tydvak val die ou Jerusalem in die stof
nou om. Rook en nogmaals rook wat uit die loop van kanonlope
kom. Dit is die draakgod Dagon wat met haar kinders oor die velde
kom. ŉ Profeet raak moeg en draai op die linkersy nou om.

Die oordeelsengele sê: Die eerste helfte is oor ŉ maand- drie of
vier van nou af om. Wat daar nou oor die tweede helfte kom dit
laat die hele wêreld stom. Nog net ŉ tyd en ŉ halwe tyd wat die
satan hom as ŉ valse engel van die lig gaan vermom.

Wie was op regeringsvlak so baie slim maar tog so uitermatig
dom. Daar is geen poging wat die ekonomie oor die langtermyn
weer gaan laat blom. Maar dit is onlus, oorlog, hongersnood,
aardbewing en die pes wat oor die wêreld kom.

Shalom, shalom in valse vrede is dit op die akkoord van
marsmusiek wat die eerste veldslag van Armageddon nou
kom. In woede staan die nasies teenoor mekaar in bloedlus
nou moorddadig stom. Gedoop in bloed is dit die son wat
nou oor die hele wêreld op gaan kom.

In doodsroggel kom die heel laaste valse shalom. En op sy knieë
vra ŉ gebroke wêreld: O’ God waarom. So nader die wêreld nou
die einde van sy totale gruwel som. Wie slaan daar in Hades so
eentonig op ŉ drom en vanuit die doderyk kom ewig die valse
vredes-woord; shalom.

Openbaring 542
Raka was toe heeltyd jou regte naam.
Maandag 5 Januarie 2009 10:30
www.nuutsteopenbaringevanjudithdebeer.co.za

Judith de Beer
Vanuit die see se eilande kom daar een plus een en as twee staan
dit as ŉ eenheid saam. Madiba, vader van die donker see en land,
jy trek die Afrika en Amerika kontinente saam.

Balak of is dit Barak, maar Raka is jou ware naam. Gekamoefleer
met die horings van ŉ lam kom jy as ŉ draak nou tussen die
mense staan. Die teenstander van God spruit uit ŉ vergete maar
ŉ baie ou familienaam.

Uit die vuurbek van ŉ vuurspuwende berg is jou gees gebraak en
van die grondlegging van die aarde was jou taal die satan se eie
spraak. In die antichris het alle euwel vergestalt om die hele hel
op die aarde uit te kan braak. Jou val, ja, jou ewige val bring jy
nou as vergelding uit in al jou wraak.

Jy laat die aarde skrik en in ŉ aardbewing gaan sy haarself tot
in haar diepste wese oopkraak. In oorlog gaan die wêreld brand,
die groen gras en die bome gaan verdrietig nou wegtaan. In
hongersnood verdwyn al die wêreld se kosbare graan.

Jy, O’ draak wat was en dink jy is, was die heeltyd maar net ŉ
verbeeldingsvlug van jou eie waan. Teenoor jou tot jou ondergang
kom die Ruiter op die wit perd nou te staan. Met jou mag en al jou
geld wou jy die merk van 666 op elke mens laat staan.

Hoogmoedig wou jy My heiliges in jou teregwysing weg van My
laat staan. Gebind in kettings, ja, jou eie kettings, op wie gaan jy
hierdie keer plaas al die verwyt en blaam. Vir ŉ duisend jaar gaan
jy in jou gevangenis nou staan en jy sal uitkyk op jou werke waar
dit in die ewige afgrond om jou tot jou eie oordeel sal staan.

Balak of is dit Barak, maar Raka was toe die heeltyd jou regte
naam.

Openbaring 543
Die land van Skeba in Harare.
Dinsdag 6 Januarie 2009 11:00
www.nuutsteopenbaringevanjudithdebeer.co.za

Judith de Beer
Bloeddorstig terwyl hul muit hardloop skares soos barbare. Ja,
in die land van Skeba in die strate van Harare, verniel en brand
die mense alles wat voorkom veral die karre. Woedend skreeu
hul; ons was lank genoeg nou Afrika se selfaangestelde martelare.

Oral klink die klank van droefgeestige verhale, hul wys aan die
hele wêreld onregverdige loesings se bloedige hale. Hierdie
nuus trek oor die hele aarde in al die tale. Maar deesdae trek
die wêreld sy skouers op oor hierdie tipe van verhale.
Vlugtelinge vertrap en moor mekaar oor die inhoud van die
hulpfondse se skamele bale. Die pes hardloop nou in volle
gedaante in al sy kwale.

Maar die gees van Skeba raak nou kwaad en gooi oor die res van
Afrika haar skale. Bloeddorstig terwyl hul muit hardloop oor Afrika
nou die skares soos barbare. Menig mense wat as lyke val soos ŉ
boom voor sy winterslaap se dooie blare.

Openbaring 544
Was jy uitermatig baie lou?
Woensdag 7 Januarie 2009 01:00
www.nuutsteopenbaringevanjudithdebeer.co.za

Judith de Beer
Terwyl volkere hul vir ŉ moontlike oorlog gereed hou loop daar ŉ
engel met ŉ stempel wat hy in elke hand vashou. Op die linkerseël
staan; jy was teenoor My uitermatig baie lou, op die regter een
staan; jy was aan God getrou. Die boodskapper strompel droewig
voort en mompel oor en oor: Omtrent almal het verbrou. Met
watter stene word die nuwe ryk van God nou mee gebou.
En op baie-baie mense stempel hy die woord- ontrou.

Onrustig raak in hierdie tyd nou menig baie man en vrou. Hulle
wil so graag hul hand om redding nou na God uithou. Maar nog
steeds is dit aan hul aardse rykdom wat hul desperaat vasklou.
In alles wat nou vou word groot winskope tot die laaste verleiding
na die mense uitgehou.

Die draers van die eindtyd Boodskap word hatig deur die kooplui
uitgejou. Maar onversteurd loop die engel voort met die stempels
wat hy vashou. Hy mompel oor en oor: In jul weeklaag en jul rou
gaan jul in baie groot berou jul lippe ewig stukkend kou.

Maar hier en daar gee hy sy goedkeuring en sê; hier is nou ŉ steen
waarmee ons die nuwe ryk kan bou. Oor hierdies se voorhoofde
word die goue stempel met Elohim se Naam vir ewig nou gehou.

Oor die uitspansel weerklink daar oor elk van hierdies: Ewig aan
God getrou. Oor hulle is dit wat satan se oë nou in haat vernou.
Hy weet; vir ewig het sy greep op hierdies tot niks verflou.
Woedend draai hy hom om om met die heiliges oorlog te kan
hou. Ontelbaar is die satan se troepe, op elk van hul se voorhoof
staan daar geskryf: Aan God ontrou. Maar ewig het hul te veel
afgebyt om te kan kou. God Self kom na die aarde om Sy Hande
liefdevol om Sy uitverkorenes uit te hou en in beskerming gaan
Hy Sy Arms om Sy kleine kudde vou.

Openbaring 545
Visioen oor ŉ Oosterse monnik.
Woensdagmiddag 7 Januarie 2009 12:15
www.nuutsteopenbaringevanjudithdebeer.co.za

Judith de Beer
In ŉ onverwagse gesig sien ek ŉ Oosterse monnik. Behalwe
vir ŉ dik swart poniestert bo-op sy kop is die res van sy hoof
kaalgeskeer. Hy dra net ŉ lendedoek. Sy gestalte en grootte
grens aan die van ŉ reus en sy skouers is massief.

Hy kyk oor die see na ŉ eiland. Skielik bars ŉ berg in ŉ reuse
vulkaan uit en die lug word rooi en die see stoot op.

Openbaring 546
Jou eie weegskaal.
Donderdag 8 Januarie 2009 11:00
www.nuutsteopenbaringevanjudithdebeer.co.za

Judith de Beer
Pligsgetrou maar ook plesierig het ŉ mens met sy lewe eens
oor die aarde gegaan. Vrolik en ook soms verdrietig het sy dae
die een na die ander gekom en ook gegaan.

So het die dood ook kort voor lank voor die deur van sy lewe
kom staan. Langs sy graf het menig vriende en familie kom
groet met ŉ verdrietige traan. In die doderyk aangekom het
hierdie mens gevind dat hy met leë hande en naak voor sy
eie weegskaal kom staan. Die gesondheid en skoonheid van
sy liggaam kon hy nie laat naderstaan, reeds was dit besig om
tot stof en niks in die aarde te vergaan. Ook sy aardse skatte
het deur die dood se mot en roes vir hom klaar in die geestesryk
vergaan.

Kennis op kennis het hy op die aarde tot oorlopens toe
opgegaar. Maar in die dimensie van die geestesryk word
dit alles tot illusiewaan verklaar. Droewig besef die siel-
sy eie leë inhoud is al wat hom ewig in die gesig nou staar.

Desperaat begin hy in sy leë inhoud krap om te kyk of het hy
dalk iets geesteliks bewaar. Hy soek en kyk en wil homself
net verbly want hy sien sy tiende daar. Maar wee! O’ wee! Hy
het gegee om op sy belasting te kan bespaar.

En hy kyk weer rond en nou is dit sy liefdadigheids donasies
wat hy daar gewaar. Maar weereens is dit- wee! O’ wee, op die
liefdadigheids bal was as loon- hy deur almal daar gewaar.

Droefgeestig is dit wat hy nou verlore in sy eie leë inhoud staar.
In die duisternis van sy eie niks is daar ŉ effense ligskynsel wat
hy nou gewaar. Hoopvol haas hy hom ywerig nou na daar en na
ŉ kleuter in opregte kindergebed, daarna is dit wat hy treurig
nou na homself toe staar. Hy vra homself, O’ God, waarom het
ek myself nie in die gebedsgesprek met U bewaar. Waardeur ek
so in die opregte liefde my medemense om my kon gewaar. In die
behoeftes van my naastes sou ek kon sien- U self staan daar. Met
my lewe op aarde sou ek vir myself hemel skatte kon vergaar.

O’ kon ek net terug na die aardse ryk vir ŉ kort rukkie nou gaan.
My familie en my vriende sou ek so graag met my nuwe kennis
wou vermaan. Maar as antwoord is dit net sy eie leë geesteswêreld
wat droefgeestig nou swyend om hom staan.

Openbaring 547
Rusland gaan standpunt inneem.
Vrydag 9 Januarie 2009 07:00
www.nuutsteopenbaringevanjudithdebeer.co.za

Judith de Beer
Kyk hoe sit die wêreldmoondhede die koppe nou weer bymekaar.
Kyk hoe praat hul in valse vredes-spraak nou orals weer met
mekaar. Groter moeilikheid is hul nou besig om op die langtermyn
uit te braak. Maar vanuit die verlede roep om wraak- die gees van
ŉ baie ou Tsaar.

ŉ Dodelike wond is besig om in Rusland tot tydelike genesing op
te klaar. Met sy oorlogskepe gaan hy in die nabye toekoms na ou
bondgenote vaar. By ou vriende in die Ooste, Afrika en spesifiek
Iran gaan hy hom skaar. Terwyl oorlogswolke oënskynlik hier en
daar gaan opklaar, bars dit opnuut weer uit, oral waar die mens
heen staar.

Openbaring 548
Ninevé het bekeer.
Saterdag 10 Januarie 2009 06:30
www.nuutsteopenbaringevanjudithdebeer.co.za

Judith de Beer
Eenmaal was daar ŉ onwillige profeet en van afkoms was hy ŉ
Hebreër. Na drie dae in die ingewande van ŉ vis was sy kennis
skielik baie breër. En Jona het in die strate van Ninevé gaan
roep: Nog veertig dae en jul stad word omgekeer.

Die mense van die stad het geskrik en hul baie vinnig deur
hom laat leer. Om God se oordeel en ook Sy toorn van hul
weg te kan weer, moes hulle hulself baie vinnig van hul
verkeerde weë bekeer. Plegtig het hul beloof om hulle van
hul dwalinge en sondes te bekeer. Op onregmatig fondse
sou die stadsvaders nie meer langer teer en deur onregverdige
wetgewings sou hulle ander nie meer langer manipuleer. Van
onwelvoeglike gruwels sou die inwoners die gesig nou weg
van keer. In ŉ vasdag het koning, mens en dier jammerlik voor
die aangesig van God getreur. In sak en as was hul harte oor hul
sondes regtig baie seer. Hul het geroep en gevra: Wil U nie berou
en U self in U oordeel van ons omkeer. Die Skepper se hart het
versag en die oordeel is van Nineve afgeweer.

In die gruweldag van nou se laaste uur is daar menig ongesalfde
valse profete wat die wêreld wil kom leer. Ja, vir ŉ Mammonsloon
terwyl hulself in die ingewande van elke gruwelgenot verkeer wil
hul oor sondaars uitroep: die tyd is hier om julself nou vinnig te
bekeer. In sak en as moet julle julself nou vinnig na ons
geloofsrame keer. Bring nou nader jul beurse, tot op die laaste
oomblik wil ons daarop teer. Die leraars maak seker dat hul
volgelinge die opregte waarskuwings van God ignoreer. In sak
en as is dit hul beurse wat hulle vir die valse profete omkeer.
Hulle verkeer onder die waan dat hul kerk of valse profeet die
oordeel van hul gaan afweer.

Oor die aarde raak net al hoe boser die oorkoepelende sonde-
sweer. Daar is geen salf meer tot genesing aan hierdie septiese
wond te smeer. Buite die grote wêreldstad van verval roep
kermend ŉ olyfboom: Moet in die oordeel ook nie U son van
my hoof wegkeer. Sodat my siel in die aanskouing van die
oordeel ewig daaruit kan leer. Dat geen wese ooit die rug op
God se groot genade moet keer.

Sidderend val die profeet op ŉ bewende aarde neer. Bedek die
hoof met kaal hande terwyl verwoesting oor die aarde skeur.
Tevergeefs is nou die mensdom se droewige weeklaag en hul
smartlike treur. Die eerste oordeelweë gaan binnekort oor die
aarde skeur. Daar is niks in dit wat hierna kom wat die wêreld
op gaan kan beur.

Die aarde gaan Ek deur oorlog en kataklisme stukkend kom
skeur. Vir ŉ breuk van ŉ sekonde sal die oorlewendes hul in
hul harte na My vir redding wil keer. Om net die volgende
oomblik met ŉ hosanna in gelid agter die antichris, ja, My
teenstander vir die laaste veldslag te kan tree.

Openbaring 549
Om belangrik te wil wees.
Sondag 11 Januarie 2009 13:00
www.nuutsteopenbaringevanjudithdebeer.co.za

Judith de Beer
Die tyd het gekom om uit te deel die gawes van die Gees. En
almal druk en stoot om nou heelvoor te kan wees. Kieskeurig
skreeu daar baie- dit of dat-wil ek nou wees. ŉ Regter, ja, ŉ
regter wil ek nou oor ander siele wees. Regverdig sal ek die
oordele oor al die sondaars uit kom spreek. Oor die sondes,
ja, die baie sondes sal die oordeel homself kom wreek.

Die antwoord kom: staan maar nader- ŉ regter mag jy maar
wees. Menigtes van veroordeeldes staan reeds klaar sodat
jy die vonnis oor hulle uit kan lees. Elk van hierdie sondaars
hier teenwoordig is met ŉ verskillende sonde in sy wese
deurweef.

Toepaslik moet die straf wees van die sondes wat so mildelik
aan hulle kleef. Trek aan die geestelike toga en streng regverdig
moet jy oor elke gruwelsonde heers.

Die regter neem nou sy hamer en kyk kwaai oor die sondaars
fees. Waardig druk hy sy bril tot teen sy oë van die punt van sy
neus. Op sy regterverhogie voel hy hom nou so waardig soos ŉ
reus. In sy oordeel voel hy hom so magtig soos die afgod Zeus.

Hy kyk nou oor die skaar van sondaars om hom heen. Hy skrik
en dink sy sig laat hom nou heeltemal in die steek. Elke gesig
wat na hom terugstaar kan nou net die van sy eie wees. Ja, in
geweldige vrees is dit in elkeen van die sondaars wat hy sy eie
gesig raak lees. Eenmaal wou hy nou ŉ regter wees en regverdig
moet hy sy oordeel oor elke sondefaset van homself uitlees.

Staan nou nader, ja staan nou nader die tyd is hier om uit te deel
die gawes van die Gees. Wie stamp en stoot daar so om volgende
heelvoor met sy versoek te kan wees.

Openbaring 550
Die grootste wêreldverskrikking.
Maandag 12 Januarie 2009 23:55
www.nuutsteopenbaringevanjudithdebeer.co.za

Judith de Beer
In ŉ bloedige heildronk is die maghebbers nou besig om hul
glase te klink. Die bloed van die wêreldbevolking word nou
hiervoor ingeskink. In hul magspel begin hul oë al hoe meer
waansinnig te blink. Regte lande met lewende manskappe
word nou vir hierdie skaakspel nader gewink.

Ja, bloed en nogmaals bloed gaan hulle op hierdie magsparty
van hul nou drink. Vergete is nou die kameraadskap, die leë
beloftes en ook die skikkings. Vriende is nou opponente wat
vergruis moet lê in oorlogsverminkings. In onrus het satan
sy onlus gestook en in sy boosheid het hy oral gekarring.
Wêreldwyd heers daar binnekort oor die hele wêreld die
grootste verwarring.

Ontredderd in hul angs tree by die nasies en volkere nou in die
grootste verskrikking. Alle pogings op wêreldvrede stuur nou
af op die grootste mislukking. Die spelers om die skaakbord
begin om windmakerig hul swaar artillerie nou na vore te bring.
Die biskoppe moedig die volkere aan om lojaal hul volksliedere
patrioties te sing.

Oral is die gepeupel besig om mekaar nou met plakkate en
slagspreuke op wêreld strate te verdring. In die deurmekaarspul
en die chaos is ŉ wêreldverskrikking besig om vinnig al hoe wyer
oor die hele aarde uit te kring.