Heelwat lesers ondervind probleme met die Openbaringe blad. ʼn Moontlike 
oplossing mag wees om Mozilla Firefox of Google Chrome soekenjins te gebruik. 


              judithdebeer@webmail.co.za
            
            

Judith de Beer is gebore in Baberton op 20-05-1958.
Sy het grootgeword as die dogter van ‘n spoorwegwerker 
en beleef ‘n stormagtige en rebelse jeug. Sy druip haar 
standerd 6 jaar op skool en sluit haar skoolloopbaan later 
met ‘n praktiese sertifikaat af. Met geen akademiese agtergrond 
nie is die enigste beroep wat sy ooit beoefen dié van huisvrou. 
Haar belangstelling is om vanuit rommel iets bruikbaars te skep.
Sy ontvang vanaf 30 Mei 2007 die Innerlike Woord.

Judith de Beer is ’n eindtyd-boodskapper wat onder geen leiding van enige
menslike denkrigting staan of aan enige organisasie, instansie, sekte of
kerk behoort nie. Sy ontvang geen donasies of vergoeding van enige aard
nie en daarom mag geen openbaring deur haar ontvang- hetsy dit op die
internet, in boek- of traktaatvorm is, onder enige omstandighede verkoop
word nie. Heeltemal gratis word dit vanuit die Gees ontvang en heeltemal
gratis word dit as waarskuwing en bemoediging in hierdie tyd deurgegee
waar elke leser dit met behulp van die onderskeidingsgees kan ondersoek.  

 

Openbaring 3251

SKIMME VANUIT DIE VERLEDE

10 Mei 2022  Dinsdagoggend  04.55

www.nuutsteopenbaringevanjudithdebeer.co.za

Vanuit die skimme van die verre verlede.  Kom die ou spoke tot die
hede.  So spreek die goeie geeste in hulle gebede.  Die wyse luister
na hul goed bedoelde spreuke.  Maar in dooie, dorre, woestyn streke,
luister die dwaas eerder na die valsprofete se leuenpreke.

Vanuit die skimme van lank gelede.  Kom ou spoke as insig tot die
hede.  So bring die goeie geeste in profetiese rede.  Die vaste wete,
dat die huidige, moderne mens, die eindtyd gaan belewe.  Maar vir die
dom wêrelddwaas, bly dit alles om’t ewe.  Terwyl hulle steeds, alle
gruwels, aanklewe.

Vanuit die skimme van die verlede.  Kom die stemme van spoke, tot die
wat nou lewe.  Hulle verskyn vanuit die newe.  Hulle gaan aktief deur
dorpe en ook stede.  Hulle vertel van die nou weg en waarsku ook oor
die wye skewe.  In hul preke beveel hul aan:  Sweer alleen aan Elohim
jul geloftes en julle edes.  Terwyl jul eerbiedig, voor Sy Aangesig bewe.

Vanuit die skimme van die verre verlede.  Kom die spoke van gister nou
tot die hede.  Ja, in die tekens van die tye, waar hulle soos lugfakkels,
helder rondswewe.  Deur boetedoenings is hulle lank gelede, reeds van
benede, na bowe verhewe.  Hulle roep:  Ook ons het eens op aarde
gelewe.  Daarom weet ons van `n hiernamaals, met dorre streke.  Maar
ons weet ook van sondaars se kragtige gebede.  Waar hul uitroep:  O,
God sal U ons asseblief  ons sondes vergewe?  By U, wil ons vir ewig,
salig lewe.

 

Openbaring 3252

DIE DODEMARS

11 Mei 2022  Woensdagoggend  03.30

www.nuutsteopenbaringevanjudithdebeer.co.za

Op die strale van die Groot Ewig Middelson.  Gaan ons Koning, in die
weergeboorte van volmaakte eerstelinge, in Oordeel na die wêreld kom.
Luister daarom na die waarskuwingsboodskap van die Groot Bastion.
Daar waar die leeu van Juda, anderkant die riviere van Kus, saggies,
maar gevaarlik, begin te grom.

Luister daarom ook na die dodemars gespeel op brass, trompet en drom.
In die eerste groot val van Edom, die vervloekte Jodedom.  Kyk daarom
ook na die groot rookkolom, wat uitstyg bokant Jerusalem, maar ook
die Engelse stad London.  Luister na die slag van bom op bom, terwyl
dit soos paddastoele, in die lugruim oopblom.

Sien hoe verduister die maan en ook die son.  Proe hoe bittergal is die
eens soet waterbron.  Kyk, in die waansin van verskrikking, maal die
massas, soos redelose diere al om en om.  Oral om hulle verkrummel
hulle stede, van glas, staal en beton.  Sonder `n oplossingsantwoord,
skud die mens sy kop magteloos dom.  Ja, oor die tragiese einde van
`n tydvak, in haar slotsom.

 

Openbaring 3253

DIE NAR……

12 Mei 2022  Donderdagoggend  02.05  

www.nuutsteopenbaringevanjudithdebeer.co.za

O, daar is `n nar en hy praat geoefend, emosioneel, afgemete en
bedaard.  Ja, want die komediant het in `n politikus en daarna in `n
kamma soldaat ontaard.  As marionet speel hy sy rol, terwyl hy sy
poppemeesters, die nuwe wêreldorde napraat.  So, smart op smart,
dit is net `n nabootser, `n akteur, wat die noodlot so uittart.

Met sy liberale hart teenoor God verhard, is sy persoonlikheid, on-
gevoelig, koud en swart.  Onverbiddelik staan hy vir `n loon, vir die
Weste se part.  Ook onder die dekmantel van Poland, roep hy
uitdagend hard.  Terwyl hy by monde van Duitsland tot in Italië, sy
vyand uittart.  Met Engeland en Amerika hou hy sy gruwel wêreld-
beraad.

Maar kyk, lande in die Midde-Ooste, raak bewus van sy agenda en
verraad.  Graag speel hy altyd  die “underdog” kaart.  Deur sy toe-
doen sterf van `n land, meer as `n kwart.  O, daar is `n nar, `n
komediant, ver van voorbereid en paraat.  Maar heel astrant lig hy
teenoor `n reus, dom sy swaard.  Maar onverwags beweeg alles
skielik met `n vaart.  Geheel die Weste word gedompel in spot en
smaad.  Met hul infrastrukture tot die uiterste verwoes en geskaad.

 

Openbaring 3254

IN DIE LIEFDESHOOGLIED

13 Mei 2022  Vrydagoggend  1.00

www.nuutsteopenbaringevanjudithdebeer.co.za

Wat die hart van vol is, loop die mond van oor.  So laat die Liefdes-
hooglied van Elohim jou nou bekoor.  Sodat jy kan weet wat het Hy
vir Sion, vir haar ewigheid gestoor.  In Sy Minnelied, in die
vergelyking van Hemelse metafoor.  Veredel die boodskap daarvan,
geheel die skeppingsgehoor.

In die woorde van hierdie lied, weet Satan, hy het die stryd reeds
lank voor die grondlegging van die aarde verloor.  Ja, want daar is
niks wat God se liefde, vir Sy bruid Sion, kan uitwis of doodsmoor.
Wat die hart van vol is daarvan loop die mond van oor.  God het
Hom daarom, aan Sy beminde, aan Sy Sion, verloof.

In hierdie huwelik, is dit die volkome weergeboorte van Godskinders
wat geheel die totaliteit bekoor.  In hierdie ongekende Liefde, waar
Hy bekeerde sondaars, ewig nooit sal verstoot.  Skink daarom o,
hemelwesens, nou die Hemelse Verlossingswyn en breek o, profete,
Sy Lewende Woord.  Ja, vir die volmaakte weergeboorte, is dit ewig
altyd, die enigste antwoord.

Wat die hart van vol is, daarvan loop die mond van oor.  Luister
daarom na die Hooglied in Goddelike Vergifnis, aan die kronieke
van Set beloof.  Sien die ongekende Genade in die krag van slegs
`n mosterdsaad geloof.  Hou jou daarom o, mens, nie langer  vir die
Liefdeshooglied van Elohim dom en  doof.  Sing daarom saam in
hemelkoor, terwyl jy in jou eie woorde, in jou persoonlike hooglied,
jou God en Vader, prys en loof.

 

Openbaring 3255

EENOOG AS BLINDE KONING

14 Mei 2022  Saterdagoggend  04.00

www.nuutsteopenbaringevanjudithdebeer.co.za

In die land van die blindes, daar waar Eenoog koning kraai. Daar is
die offergawe altyd, so beperk en saai.  Ja, want die kerk het alte
mildelik, vir hulle self, die heel beste snitte, van die offerdier gebraai.
Daarom is dit, waarom die groot wêreldleuen, in alle rigtings, woes,
rond begin waai.  Met `n uiteinde, van geheel die planeet, spoedig in
sy maai.

Luister daarom na die woorde van `n ou-ou liedjie, wat al om en om in
sirkels, om sy eie deuntjie draai.  So kom die oeroue boodskap daaruit.
Dit wat jy saai, is dit wat jy gaan maai.  Daarom het die dag gekom en
die wêreldsisteem het lank genoeg koning gekraai.  Vir die heel laaste
oes, word daar nou van voor, na agtertoe geblaai.

Maar vanuit Dubai tot in Mumbai, begin die Oordeelswinde nou wild en
woes te waai.  Vanuit Shangai tot in ou Tafelbaai, daar lê Babilon se
skepe, gestrand in menig baie baai en kaai.  Met kos nêrens meer te
versmaai, word daar ook weinig brandstof, globaal afgelaai.  Maar in
die land van die blindes, daar waar Eenoog koning kraai.  Daar bly die
politieke leuens, steeds in “Fake Nuus” vir die massas ronddraai.

 

Openbaring 3256

DIE IDIOOT

15 Mei 2022  Sondagoggend  05.15

www.nuutsteopenbaringevanjudithdebeer.co.za

Met 'n intelligensietoets glad nie geslaag. Kom daar vanuit 'n groot
demoonvergadering in Den Haag, die volgende, dringende vraag.
Ja, oor die magtige Westerse leier, oënskynlik, heeltemal onbevoeg
en vertraag.  Ek hoor die wêreldbankiers daaroor kerm en klaag.
Hulle beweer,  geheel die ekonomie is heeltemal deur sy dom foute
en toedoen, tot bykans niks verlaag.

Van oraloor kom nou die globale vraag.  Vat hom sekuur en laag en
smyt hom sondermeer, vinnig uit aan sy kraag.  Maar onwillig om hul
fout te erken, bly die liberalis daaroor uiters traag.  Daarom beskuldig
hulle as oorsaak, eerder die pes en plaag.  Maar die massas begin
ontstoke hulle maak te maak.  In wraak begin hulle oral te protesteer
en staak.  Maar in burgeroorlog kom hulle groot deurbraak.

Desperaat ontwaak 'n kamma eenwêreldstaat nou in die gedaante
van die eindtyddraak.  Die merk van die dier, maak hulle oornag, 'n
kamma, omgee oplossingstaak.  Maar dit is heeltemal 'n te harde
neut om te kraak.  Die vrye denkers staan onverbiddelik vir hulle eie
saak.  Oor hulle vryheid word daar jaloers gewaak.  Maar in die
verraad, van die groot burgervervolging, lê 'n onvergeeflike, baie
bitter smaak.

 

Openbaring 3257

KLEIN EN GERING

16 Mei 2022  Maandagoggend  00.10

www.nuutsteopenbaringevanjudithdebeer.co.za

Biddend met die hande saamgewring.  Wyl die groot onheil al hoe
naderkring.  Word in groot versugting in gebed gesing.  Nederig
staan ons nou voor U so klein en gering.  O, God, hoe swaar gaan
ons gebuk, onder U Oordeelstugtiging?  Gee ons daarom rigting
en bring vir ons verligting.  Onder wêreldswetsverpligting staan
ons in totale ontnugtering.

Biddend met die hande saamgewring.  Word in versugting in gebed
gesing.  Eens het U Jakob in die woestynland gevind.  Na koel
waterstrome het U Israel gebring.  Deur U ongekende liefde, was
Sion nog altyd beskermend, omring.  U Heilige engele, het Jerusalem
gevoed op heuning.  Uself, het haar versadig met hemelse koring.
Sal U daarom U verdrukte, vertrapte volk, se vyand ombring?  Sal U,
U ware uitverkore volk, vanuit die vreemde, weer huis toe bring?

Biddend met die hande saamgewring, is dit die Boervolk, wat in
ootmoed sing.  O, God, in ons erfdeel, staan ons as die vreemdeling.
Aan U alleen kom die wraak toe in vergelding.  Laat almal daarom
weet, ons staan onder U beskerming.  Ons, die alleen onbenullige,
bewende, skerm in die eindtydwind.  Ons wat weer ons weg, so
bitter graag na U wil vind.  Ja, na U ons Hemelse Vader,  as U
Goddelike kind.

 

Openbaring 3258

DIE GESPLETE TONG

17  Mei 2022  Dinsdagoggend  04.00

www.nuutsteopenbaringevanjudithdebeer.co.za

In eeueoue satanskrif, uitgegrif, op Hadesklip.  Daar waar dit van
Nagash, die bose slang, se gesplete tong afdrup.  Skuil daar in die
valse vrede, nog altyd, net addergif.  Daarom staan die volke en die
nasies, binnekort, diep bedruk.  Onder 'n gruwel Westerse, een-
wêreldorde, word hulle oornag vreeslik verdruk.  Ja, onder onmens-
like wetgewing, wat hulle totaal gaan onderdruk.  Net soos slawe
van weleer, moet hulle, hul, na die wil van hul selfgekose
oorheersers skik.

So word die bitter vrug van wêrelddemokrasie nou verpligtend
gepluk.  Noodgedwonge moet geheel 'n Westerse wêreld dit
sonder keuse afsluk.  In die addergif wat van 'n eenwêreldorde
se gesplete tong afdrup.  Skuil nou 'n waansin vrees, vir die dood,
verskuil in 'n spuitnaald se prik.  Maar miljoene het heeltemal te
laat wakker geskrik.  In die woede van selfvernietiging, bly daar
niks anders oor, as om hulle geliefde naastes in verraad te verklik.

 

Openbaring 3259

WAARDELOSE GELD

18 Mei 2022  Woensdagoggend  04.30

www.nuutsteopenbaringevanjudithdebeer.co.za

In 'n vreemde nuwe spel.  Met goud en silwer nutteloos gesmelt.  Speel
die kinders van die hede, met waardelose geld.  Terwyl die ouers hulle
nostalgies, in staaltjies vertel.  Eens kon ons alles, daarmee koop
en bestel.  So staan geheel die wêreld nou diep ontsteld.  Met 'n leuse
wat lui.  Trek vir die groot honger, deeglik in die belt.  Dit is oor die
komende enorme hongersnood wat hulle, hul so kwel.  Met bykans alle
regerings nou niks meer anders, as net 'n bose kartel.  Begin al die
konings en bankiers, soos rowers, in die onderwêreld rond te dwel.

Met soveel demone, nou geaktiveer vanuit die diepste hel.  Is dit
Europa wat nou waansinnig skel.  Sy begin haar eise prontuit uit te
spel.  Maar niemand laat hulle meer deur haar voorskryf of vertel.
Vanuit Amerika, kom 'n baasspelerige bevel.  Maar die ander
moondhede spot en skel.  Moet ons, ons nou daaroor ontstel?  In
ongekende selfmoord, roep menigtes die lewe nou toe, met 'n finale
vaarwel.  Hulle sweer die bestaan op aarde, is in elk geval reeds
lankal, die diepste hel.

 

Openbaring 3260

DIE SIKLUS VAN KOM EN GAAN

19 Mei 2022  Donderdagoggend  03.50

www.nuutsteopenbaringevanjudithdebeer.co.za

Die somer het vergaan sodat die winter kan nader staan.  Die Woord het
vermaan maar die mens kon dit nie verstaan. Die pes en hongersnood
het nader gestaan.  Sodat in die nagevolg daarvan, alles in oorlog moet
vergaan.  Maar steeds wou die mens, deur dit alles, hom/haar nie laat
vermaan.  Daarom het Vrede, treurig weggegaan en in haar plek het die
groot verwoesting kom staan.  `n Eenwêreldorde het beveel.  As een
staan ons nou almal saam.  Maar wee elkeen wat eenkant toe staan.
Na die galgtou, na die skavot, sal julle moet gaan.

Daarom het die somerson vergaan en die winter het in haar yskristalle
nader gestaan.  So het die son opgekom om maar net weer altyd onder
te gaan.  En in die duisternis van die bangmaak, donkermaan.  Was die
laaste Wysheid onder die mensdom nou heeltemal gedaan.  Daarom het
nog `n tydvak gekom om maar net weer te vergaan.  So, wat was die doel
van homosapiens in bestaan?  Daar is weinig, wat die siklus van dit alles,
werklik verstaan.

 

Openbaring 3261

IN DIE OOMBLIK VAN NOU

20 Mei 2022  Vrydagoggend   02.30 

www.nuutsteopenbaringevanjudithdebeer.co.za

In `n verlede met weinig om te onthou.  Soek ek na `n toekoms, maar
daar is niks om aan vas te hou.  Ek kyk om my heen, na my huis, my
wêreld en al is ek `n vrou.  Het  ek dit, met my eie hande gebou.  Ek
weet dit alles is `n illusie, `n lugspieëling, in verdamping, al te gou.
Maar die lewe is in die oomblik van nou en daarvan, wil ek sonder
enige voorbehoud, nou eenmaal net hou.

Al brand die hoop in my lewenslampie soms ook hoe flou.  Weet ek
altyd ek het `n God waarop ek kan vertrou.  So dikwels sien ek Sy
hand wat Hy so vriendelik, uitnodigend na my toe uithou.  En met
my lewenssfeer soms in depressie so grou, verander in daardie
Goddelike oomblik, geheel my bestaan, in die heel mooiste hemel-
blou.

So leef ek in `n wêreld, met die liefde vir mekaar, maar baie flou  Ek
hoor hoedat `n wêreld mekaar oor alles toesnou.  Ek sien oorlog-
geteisterde gebiede, met oral vars grafte gegrou.  In hierdie vreeslike
wêreld, heers oral net die bitter rou.  Ek weet dit is die einde van `n
tydvak, in verval, nooit weer op te bou.

En  terwyl ek my hande oor die lewe van nou, desperaat in aanbidding
voor my God saamvou.  Hoor ek Sy stem wat roep.  Bly net altyd vas op
My vertrou.  Kyk, Ek kom verseker in My wederkoms na die wêreld daar
by jou en weet Ek kom wel gou.  Ek open my oë en sien op `n blaar, `n
pragtige druppel dou.  In daardie druppel is dit die grote see, se lieflike
akwamarynblou wat ek aanskou.

Ek weet ek wil hierdie oomblik vir ewig altyd vashou.  Want in ‘n verlede
met weinig om te onthou.  Tot in `n onseker toekoms, met niks om te
aanskou, is daar ook niks om aan vas te hou.  Maar ek bestaan as
bewussyn, verseker vas, in die oomblik van nou.  En in hierdie
Goddelike oomblik, waar ek Hom in my kleine hart vashou.  Weet ek,
ek het `n Grote God, met ongekende Liefde, wat vir alle ewigheid
aanhou.